Hoân-būn

1960年5月857期         6-7

  Chhiⁿ-mî kiám oē khan chhiⁿ-mî mah?

  Sí-lâng kiám oē chhoā sí-lâng mah?

  Chóng-sī, tāng-choē ê goán teh khan tāng-choē ê in.

  Loán-jio̍k ê goán teh chhoā loán-jio̍k ê in.

  Gû-gōng ê goán, teh kà gû-gōng ê in.

  Tī chiām-sî, goán teh kóng-khí éng-oán.

  Tī jio̍k-thé, goán teh kóng-khí thiⁿ-téng.

  Tī toē-chiūⁿ, goán teh kóng-khí Siōng-tè ê oē.

  Ū chai-ē ah, goán ê só͘ choè.

  Put-khó-lêng ah, goán ê ló͘-le̍k.

  Chiah ê kiám m̄-sī lóng khang-khang , lóng choa̍t-bāng?

  Chóng-sī; Chú! Kiû Lí lîn-bín goán.

  Kiû Lí hō͘ chit ê choa̍t-bāng chiâⁿ-choè ǹg-bāng.

  Hō͘ chit ê put-khó-lêng chiâⁿ-choè khó-lêng.

  Hō͘ chit ê chai-ē chiâⁿ-choè Lí ê chiok-hok.