數念陳瓊瑤牧師
1960年10月862期 26
9月12日，教界健將的一個，陳瓊瑤牧師享受68歲歸天。伊捌歷過宜蘭，太平景，柳原，佳里等教會做牧師，光復後做山地指導員；留真濟傳福音的跤跡。伊也捌擔當大會濟濟的要職，也捌做國際禁酒聯盟的台灣責任者等，一生勤儉，坦白，率直，不止有正義感的好先輩。可惜4年外前拄著腦溢血，就教界袂通得著伊的直接活動lah。潮州陳Hi-sìn牧師就是伊的公子。願主安慰伊的遺族。
Siàu-liām Tân Khêng-iâu Bo̍k-su.
1960年 10月 862期 26
9 goe̍h 12 ji̍t, kàu-kài kiān-chiòng ê chi̍t ê , Tân Khêng-iâu bo̍k-su hióng-siū 68 hoè kui thian. I bat le̍k-koè Gî-lân, Thài-pêng-kéng, Liú-goân , Ka-lí téng kàu-hoē chò bo̍k-su, kong-ho̍k āu chò san-tē chí-tō-oân; lâu chin chē thoân hok-im ê kha-jiah. I iā bat tam-tng Tāi-hoē chē-chē ê iàu-chit , iā bat chò Kok-chè kìm-chiú liân-bêng ê Tâi-oân chek-jīm-chiá téng, it-seng khîn-khiām, thán-pe̍h, sut-ti̍t, put-chí ū chèng-gī-kám ê hó sian-poè. Khó-sioh 4 nî goā chêng tú-tio̍h náu-ek-hoeh, chiū kàu-kài bē thang tit-tio̍h i ê ti̍t-chiap oa̍h-tāng lah. Tiô-chiu Tân Hi-sìn Bo̍k-su chiū-sī i ê kong-chú. Goān Chú an-uì i ê uî-cho̍k.
