Kong-ho̍k cha̍p-it jī

1960年12月864期         20

  Tāi Tang-a chiàn-cheng ê khó͘-thàng iáu put-chí khek tī ta̍k lâng ê náu-tiong; ū lâng i ê kiáⁿ siū tiàu khì chò kun-hu bô tò-lâi, ū lâng pī po̍k-chà......

  Lán ê kàu hoē iā ū siū éng-hióng siū khún-tio̍k; pò͘-tō Ji̍t-pún Ki-tok-kàu-thoân, Sîn-ha̍k-īⁿ kóng tio̍h Ji̍t-jîn chò hāu-tiúⁿ, Kong-pò tio̍h thêng-khan, kóng " bô choá"...... Ti̍t-kàu kok hong-bīn chhin-chhiūⁿ soàⁿ soa, ū-ê oá sè-le̍k, ū ê kiaⁿ sí......

  Kong-ho̍k lah! Tāi-ke hoaⁿ-hí! Chóng-sī bô tiong-sim, tio̍h thèng-hāu Tāi-hoē......Hit sî lán ê goân-ló Ko Kim-seng Bo̍k-su to̍k-le̍k kè-e̍k kong-pò ê ho̍k-khan. Kong-pò-siā tiōng-sin chhut-hoat, hō miâ Kong-ho̍k ìn-su-kio̍k. Ko Bo̍k-su chio Sòng, Lîm, Ko 3 uī tiúⁿ-ló lâi khai-sí. Hit ê tiōng-sin ê ji̍t chiū-sī 11 goe̍h 2 hō.

  Goán chèng tâng-kang 11 goe̍h 2 hō sio-chhoā khì pài-hóng só͘ chun-kèng ê Ko Bo̍k-su, siàu-liām i hoaⁿ-hí kè-sio̍k chit ê ū ì-gī ê Kong-pò-siā. iā koh chi̍t pái thiaⁿ i chhin-chhuì chē-chē ê hó kà-sī, siū-tio̍h kek-lē, chai i ê sìn kap cháiⁿ-iūⁿ teh siàu-liām pêng-iú téng. Goān Siōng-tè hō͘ i ē-thang chhin-chhiūⁿ sim-sîn ê cheng-eng, gio̍k-thé iā ē ióng-kiāⁿ, chheng-sóng lâi keng-koè boán-liân.