Pò͘-tō chham-khó Gî-būn èng-tap.
Tī. Pò͘-tō á-sī soat-kàu ê tiong-kan thiaⁿ ê lâng ū-sî ū giâu-gî, oh-sìn, tiû-tû ê sim. Ū ê ài koh-mn̄g, chiū tio̍h soat-bêng hō͘ in thiaⁿ. Taⁿ siá tām-po̍h thang choè chham-khó.
1. Goá to iáu siàu-liân, chió-hè, só͘-í iā m̄-bián táⁿ-sǹg chiong-lâi ê sū?
2. Lâng nā sí, kám m̄-sī lóng soah-khì? Tio̍h ín-khí. Lō͘-ka 16: 22, 23.
3. Goá pêng-sò͘ to bô choè siáⁿ phái, kám oē tēng-choē mah? Tio̍h ín-khí. Iok 3: 3.
4. Siōng-tè sī chin chû-pī, só͘-í kám m̄-sī bô beh khoàⁿ-kìⁿ goá ê choē? Tio̍h ín-khí. Chhut-ai-ki̍p-kì 34: 7.
5. Goá mî-ji̍t to ū kî-tó, só͘-í Siōng-tè káⁿ oē sià-bián goá. Tio̍h ín-khí. Má-thài 7: 22, 23.
6. Cháiⁿ-iūⁿ khoàⁿ goá kap phái-lâng saⁿ-tâng? Tio̍h ín-khí. I-sài-a 53: 6. Lô-má 5: 15.
7. Goá só͘ tio̍h sìn ê, sī tio̍h sìn sím-mi̍h? Tio̍h ín-khí. I-sà-a 53: 6. Ka-lia̍p-thài 2: 20.
8. Nā beh tit-tio̍h kiù, goá tio̍h cháiⁿ-iūⁿ? Tio̍h ín-khí. Ka-lia̍p-thài 2: 16.
9. Goá sîn Iâ-so͘ sí koh oa̍h, m̄-kú iáu-bē tit-tio̍h kiù? Tio̍h ín-khí. Lô-má 10: 9.
10. Kan-ta sìn, chiū oē tit-kiù, án-ni kiám m̄-sī siuⁿ kán-tan? Tio̍h ín-khí Sù-tô͘ hēng-toān 16: 31.
11. Goá iá-bē tit-kiù ê í-chêng, Siōng-tè m̄-chai ū thiàⁿ goá á-bô? Tio̍h ín-khí. Lô-má 5: 8. Iok-hān It-su 3: 16.
12. Goá ê choē, chin tāng, káⁿ boē tit-tio̍h kiù? Tio̍h ín-khí. Í-sài-a 1: 18.
13. M̄-kú goá nā sìn Iâ-so͘, goá oē liáu chin-choē hāng. Tio̍h ín-khí. Má-thài 16: 26.
14. Goá nā sìn Iâ-so͘, oē hō͘ lâng thí-chhiò loé-mā. Tio̍h ín-khí. Ko-lîm-to hō͘-su 12: 9.
15. Goá sui-jiân khò Iâ-so͘, m̄-kú kiaⁿ-liáu āu-lâi koh tîm-lûn? Tio̍h ín-khí. Iok-hān 10: 28.
16. Kì-jiân án-ni goá tio̍h sìn Iâ-so͘ ì-goā bô lō͘. Tio̍h ín-khí Iok-hān It-su 5: 13.
(í-siōng)
