基督降世彼一時博士歡喜去揣伊
這首詩的作者是Nilliam Chatterton Qix伊佇1837年出世佇英國Bristol的所在。伊的老父是做醫生。伊本身無甚物職業，不過kan-ta著冊佮鼓舞教會的事nā-tiāⁿ。伊不時佇教會來教詩，彈琴，吟詩。伊所著的冊較濟是屬佇聖詩佮禮拜的禮式。
聖公會揀正月初六做紀念日的因端是因為彼日是gâu 的博士對東方來伯利恆欲揣平安的人君的日。遐的博士是外邦人閣是頭一擺去見耶穌。
所以才揀這日來做紀念。
不幸佇這个紀念日Qix紲破病倒佇眠床裡。這首詩就是佇床中想出--的。
這首的意思是愛予遐的外邦的博士的所行，來通做咱離開耶穌真遠的人的模樣，予咱通閣來就近耶穌。
頭一節的題目是愛予耶穌做星chhoā咱來得著平安。
第二，就是遐的博士甘願來到卑微的所在揣耶穌，這个通做咱的模樣。
第三，就是in有帶貴氣的物來獻予耶穌，所以咱也著將咱所有的，來予耶穌所欲幫贊的人。
第四節是祈禱的話，就是求耶穌chhoā咱行。天的活路到樂園。 |
