Lîm Ian-sîn Bo̍k-su ê Si
1931.09 558 koàn, Koà-chhài-chí 68 hō p.14
(Koa Siat-kai)
Chit-pài Lâm-pak Thoân-kàu-su liân-ha̍p Chóng-hoē ê tiong-kan, tī 7 ge̍h 15 hō ē po͘, ū Khún-chhin-hoē. Lîm iàn-sîn Bo̍k-su ū choè 3 siú si, tī Khún-chhin-hoē ê sî, i ū tha̍k, iā ū gîm.
Chit 3 siú si̍t-chāi thang hō͘ tāi-ke choè chham-khó, só͘-í iáu-bē ìn tī pa̍t-khoán ê Cha̍p-chì ê tāi-seng, siá tī-chia, choè chham-khó.
1.It phiàn hong ko chhó sek chheng,
San-bêng suí-siù iòng chhiu têng,
Hoān tîn put jiám sêng ka kéng,
Bêng sū hiu ku ia̍t Sèng-keng.
1 Chi̍t phiàn ê soaⁿ-chiam sī koân, chháu sek sī chhiⁿ.
Soaⁿ ê bêng-láng kap chuí ê chheng-siù, saⁿ ǹg tī chit ê chhiu-thiⁿ ê tiâⁿ-ni̍h.
Sè-sio̍k ê tîn-ai boē bak-tio̍h, lâi chiâⁿ chit ê hó ê kéng-tì.
Chhut-miâ ê tha̍k-chheh lâng an-chēng tī chia khiā-khí lâi khoàⁿ Sèng-keng.
2.Tām kang bí kéng chiok an ku,
Kàu io̍k eng châi ho͘nn3 tho̍k su,
Thaⁿ ji̍t jîn bûn iû chhú chhut,
En̂g kui Ki-tok khí hu û.
2 Tām-chuí ê hó kéng-tì, kàu-gia̍h an-ún khiā-khi8.
Só͘ kà-sī chhong-bêng ê siàu-liân, ū chit hō hó só͘-chāi thang toà, chū-jiân sim ē ài tha̍k-chheh.
Pa̍t-ji̍t jîn-châi bûn-ha̍k tuì chit ê lâi siⁿ-chhut.
En̂g-kng kui tī Ki-tok, kiám sī khang-hi ê o-ló--ah!
3.Tun san keng-le̍k kí chhun-chhiu,
Tiông iú chheng choân se̍k siōng liû,
Hoa̍t suí Tong iông chhui tē it,
Ngó͘ hông khat chiá hí bû iu.
3 Toā-tun soaⁿ keng-koè kàu taⁿ, m̄-chai kuí chheng nî.
Chhiâng-chāi ū chheng ê chuí-choâⁿ tī chio̍h ê téng-bīn teh lâu.
Chit ê oa̍h-chuí chāi tang-iûⁿ chhui-chun choè tē-it.
Ngó͘-jiân tú-tio̍h chhuì-ta ê, i ē hoaⁿ-hí kàu-ke̍k, chū-jiân bô iu-chhiu--lah!
