Goán só͘ gîm ê Kì-liām Si

1932.02  tē 563 koàn, Koà-chhài-chí 73 hō, p.16

(Gô͘ Thian-bēng)

  Báng-kah kàu-hoē tī pún nî 1 ge̍h 1 hō àm-sî , ū khui Chú-ji̍t-o̍h Chiok-hō- hoē , iā ū soà kì-liām siat7-kàu 60-chiu nî . Chit hō sū í-keng ū siá tī Koà-chhài- chí-pò , 2 ge̍h hūn ê Kàu-hoē Siau-sit ê lāi-bīn. Taⁿ in-uī Koa Siat-kai Sian-siⁿ ê hi-bōng , só͘-í ài chiong goán só͘ gîm ê Kì-liām Si lâi siá tī-chia.

  A

1.Khiā tī hn̄g-hn̄g o͘-àm choē-ok ê sè-kài,

Chheng bān lêng-hûn éng-oán teh-beh tîm-lûn,

Chī-chuī hoaⁿ-hí thoân-pò kiù-chú jîn-ài,

Ná bo̍k-chiá soaⁿ-ni̍h chhē sit-lo̍h iûⁿ-kûn.

Hô. Bān koân-lêng í-keng siúⁿ-sù goá,

Bān koân-lêng í-keng siúⁿ-sù goá,

Lín khì phó͘-thīⁿ-ē thoân hok-im hō͘ bān peh-sìⁿ,

Goá kap lín tī-teh kàu éng-oán.

2.Bān kok toā mn̂g hiàn khui-khui bo̍h-tit iân-chhiân,

Ki-tok ê peng hó-táⁿ chìn-chêng lâi-khì,

Chhú choê Ki-tok sìn-tô͘ tāi-ke saⁿ kiat-liân,

Pò-iông chin-lí sè-jîn tit-tio̍h hok-khì.

3.Sî-ji̍t beh kàu, bān peh-sìⁿ beh chhut toā siaⁿ,

Gîm kóng êng-kng sèng-lī kui goá ê Chú,

Hoaⁿ-hí in-uī sio̍k-hoê lâi tit-tio̍h oa̍h-miā,

Hoah kóng , Ha-le-lu-iah, goá Ông goá Chú.

B

1.Lán chèng tāi-ke tio̍h chhut lâi thiaⁿ,

Hoaⁿ-hí tit kiù un-tián ê siaⁿ,

Thoan-lī Sat-tàn tit-tio̍h chín-kiù ,

Chìn-ji̍p thian-kok tit chū-iû.

Hô Tāi-ke tio̍h lâi saⁿ-kap hoaⁿ-hí,

Kì-liām Pak-pō͘ tit-tio̍h chin-lí,

Siàu-liām kò͘-su siū lān khah-iâⁿ,

Kám-siā Siōng-tè toā un thiàⁿ.

2.Kim ji̍t tāi-ke oē tit thang thiaⁿ,

oa̍h-miā hok-khì chin-lí ê siaⁿ,

Iâ-so͘ chin kng piàn-chiò sè-kan,

Hō͘ lán sim-koaⁿ tit pêng-an.