Lú Soan-tō-hoē Hoan-gêng Bûn Bo̍k-su-niû ê Si

1932.05 tē 566 koàn, Koà-chhài-chí 76 hō, p.29

(Tân Khêng-ku choè)

1.Tāi-ke hoaⁿ-hí lâi gîm-si,

Kám-siā Thiⁿ Pē sù hok-khì;

Chin-lí lâi Tâi lio̍k-si̍p-chhiu,

Hok-im pò-thoân choân tē-kiû.

2.Khí-thâu Má-kai Phok-sū lâi,

Pò-thoân tō-lí, tû pháiⁿ-tāi;

Chhin-chhiūⁿ chi̍t-lia̍p koà-chhài-chí,

Heng-ōng toā châng , Chú hoaⁿ-hí.

3.Phok-ài chû-pi Bo̍k-su-niû,

Bú-hoē phài lí kàu Tang-iûⁿ,

ài chiok Pak-pō͘ Soān-chio̍h nî,

Chān goán sìn-sim jú ke-thin.

4.Bú-hoē un-chêng chin-chiàⁿ toā,

Hok-im bô kàu , goán boē oa̍h;

ài pò bú-un lóng boē-oē,

Piáu ì lâi khui Hoan-gêng-hoē.

5.Goān Chú Iâ-so͘ lâi pang-chān,

Ke-thiⁿ sìn-tò͘ bû-sò͘-bān;

Goān Pē chiok-hok chit ê hoē,

Ná kú ná toā , lâng ná choē.