Iâ-so͘ kap Nî-ko-tí-bú

1932.8 tē 569 koàn, Koà-chhài-chí 79 hō, p.28

(Chiong Ông-iû choè)

（Tiāu ēng "Guide", chok-khek-chiá sī M. M. Wells）.

1.Ū chi̍t àm-mî Nî-ko-tí-bú,

Choan-kang lâi kàu Iâ-so͘ kuì-hú;

Sêng-jīn I sī tuì Siōng-tè lâi,

Ū koân-lêng thang kiù sè-kài;

Iâ-so͘ kóng lâng bô têng-thâu-siⁿ,

Siōng-tè ê kok chiū boē khoàⁿ-kìⁿ.

2.Nî-ko-tí-bú boē-oē lí-kái,

Lia̍h choè tio̍h koh ji̍p bú-thai-lāi;

Chú kóng nā tuì Sîn lâi siⁿ,

Chiū Siōng-tè kok chiah oē khoàⁿ-kìⁿ;

ài ji̍p Siōng-tè kok lâi hoaⁿ-hí,

Tio̍h chun-thàn Kiù-chú ê kà-sī.

3.Chú sui-bóng phì-jū toē chiūⁿ sū,

iáu-kú ū lâng m̄-chai ì-sù;

Só͘-í nā kóng thiⁿ-téng ê tāi,

Chiū koh-khah choē lâng boē-oē chai ;

Mô͘-se kú-khí choâ tī khòng-iá,

Chiū-sī piáu-bêng Chhú ê sîn-jiah.

4.Siōng-tè siúⁿ-sù to̍k-siⁿ ê Kiáⁿ,

Kàng-seng choè lâng che sī ū iáⁿ;

Ū sìn ê lâng m̄-bián tîm-lûn,

Iâ-so͘ beh chín-kiù i lêng-hûn;

Thiⁿ Pē chin thiàⁿ-thàng lán jîn-luī,

Tio̍h chhut toā siaⁿ o-ló pài-kuī.