II. Khó͘-táⁿ chhám-ke̍k ê ai-gú

1935.03 tē 600 koàn  p.18-19

(Gô͘ O-bí).

1.iâu-thian tōng-tē ê chhám-kéng,

Put-ti guî-ki chāi ba̍k-chêng;

Khó͘-kéng boē kàu ê tāi-seng,

Hoeh-me̍h si-soàⁿ lân pò bêng.

2.Sim bâng loān-loān oh tit kóng,

Hut-jiân chhám siaⁿ kàu thian-tông;

Pi-koan chhám-kéng àm bong-bong,

Ai-ai kiò-kiò loān-loān chông.

3.Siūⁿ tio̍h si̍t-chāi chin thang kiaⁿ,

Khó-lîn sè-kiáⁿ ê chhám siaⁿ;

Chhám siaⁿ ti̍t-thàu kàu thiⁿ-siâⁿ,

Kiù-chú chhoā i bián kiaⁿ-hiâⁿ.

4.Kiù-chú chhun-chhiú lâi khan khì,

Kiaⁿ-hiâⁿ giâu-gî siau bô-khì;

iûⁿ-ko Sèng-siâⁿ kng bô pí,

Kim-siâⁿ bián-liû kham tit tì.

5.Sè-chiūⁿ hiān tiàm ê kiáⁿ-jî,

M̄-thang tāng-bîn bô kéng-chhéⁿ;

Khoàⁿ kàu chit-sî ê guî-ki,

Put-ti liân kàu tò hiuⁿ-lí.

6.Kàu-sî Kiù-chú chhiûⁿ toā hong,

Phàⁿ-chhek phē-á chiūⁿ poàⁿ-khong;

Hit-sî phàⁿ-chhek bô oē kóng,

Chí-ū tengchhek7 hō͘ Chú pōng.

7.iûⁿ-ko Sèng-siâⁿ suí bô pí,

Choē koà lâ-sâm oh-tit khì;

Kiù-chú pó-hoeh sé kàu lī,

Khò I chiū ē, bián iân-tî.

8.Lêng-hûn chheng-khì toè Iâ-so͘,

Sìn-khò Kiù-chú kiâⁿ toā pō͘;

Chheng-liân kiáⁿ-jî sim bô o͘,

Kiù-chú chiap-chiūⁿ chì sèng-só͘.

9.Siūⁿ-tio̍h kiáⁿ-jî sim-thâu sng,

Sè-kan m̄-sī laō êng-kng;

I tī sè hàn thiaⁿ khó͘-khǹg,

Kàu Chù bīn-chêng kú tn̂g-tn̂g.

10.Sè-chiūⁿ guî-ki, tio̍h ki̍p sî,

Choân-sim khò Chú bo̍h iân-tî;

Sè-chiūⁿ khó͘-kéng moá-moá sī,

Kiù-chú kap goán éng bô lī.

11.Khǹg lín chheng-liân kín-sīn thiaⁿ,

M̄-thang an-sim, chò bô-iáⁿ;

Sè-kan hō-hok bô khak-tiāⁿ,

Sìn-khò Kiù-chú tio̍h phap-piàⁿ.

(Sí kiáⁿ ê sî: Gô͘ O-bí).