Ngāu-san-oân chhòng-li̍p 15 chiu-nî kì-liām khèng-chiok koa

1949.05 Tē 725 hō p.10

(Âng Tiông choè)

1. Jîn-siū I-seng Se-kok lâng,

Siū Chú kéng-tiàu kàu goā-pang;

Khoàⁿ tio̍h nāi-chiá chin khó͘-thàng,

ēng io̍h i-tī put-hēng lâng.

2. Jîn-siū tông-chêng nāi-pīⁿ lâng,

Ji̍t iā lô-khó͘ cháu se tang;

Khoàⁿ ū só͘ chāi khah ún-tàng,

Khí-chhù lâi siu chit khoán lâng.

3. Hit-sî I-seng ū phah-sǹg,

Phun-cháu choân Tó kok toē-hng,

Tú-tio̍h Chuí-lêng lâi saⁿ-tn̄g,

Koat-tēng só͘-chāi Pat-lí-chng.

4. Chhân, soaⁿ kè-kiōng jī-la̍k kah,

Kau-sia̍p teng-kì Chuí-lêng taⁿ;

Tê iân I-seng khah ū phā,

Bō͘ chi̍p kì-hù gâu pha-sa.

5. Pīⁿ-sek tú-hó jī-cha̍p keng,

Iú-chì jîn-jîn tàu chàn-sêng;

Kì-hù ê lâng hó tek-hēng,

Chiok in ka hô bān sū sêng.

6. īⁿ-lāi siat-pī chin hó-sè,

Ta̍k keng tú-hó toà sì ê;

Í-á chi̍t lâng chē chi̍t tè,

iā ū tê-au thang chia̍h tê.

(Boē-oân)