Sìn-gióng cheng-chìn ê Si

1949.05 tē 725 kî p.9-10

(Hi-pek-lâi 12:10)

1. Chú ah! Kiû Lí ji̍t-ji̍t,

Ke-thiⁿ goá sìn-sim;

Sù goá khiam-pi sêng-si̍t,

Sūn-thàn Lí hok-im:

Sèng Sîn hû-chhî, pang-chān,

Hō͘ goá ná chiâⁿ-sèng;

Sù goá hoaⁿ-hí, pêng-an,

Ho̍k-sāi Chú bô thêng.

2. Chú ah! Kiû Lí ji̍t-ji̍t,

uī goá lâi choè-chiâⁿ;

Sìn-sim, tek-hēng bô sit,

Chhì-liān lóng khak-iâⁿ：

Sèng Sîn ín-chhoā, chí-sī,

Bêng-pe̍k Chú chí-ì;

Hó-táⁿ kan-chèng tō-lí,

En̂g-kng Chú miâ-jī.

3. Chú ah! Kiû Lí ji̍t-ji̍t,

Bô͘-iūⁿ hō͘ goán khoàⁿ：

Chān goá chīn-tiong, chīn-chit,

Eńg-oán bô piàn-oāⁿ：

Khoàⁿ thian-tông ê êng-kng,

Goá ài chìn-ji̍p khì,

Hok-khì, pêng-an, chiâu-chn̂g,

Kap Chú éng bô lī.

Hù-kì:-

Chit siú si sī chin chhut-miâ ê Sèng-si chok-chiá, kiam chok khek-chiá, P. Bliss Sian-siⁿ (1838-1876) só͘ choè ê si; bô-lūn koa-sû kap phó͘, lóng sī i choè--ê. Nā khoàⁿ khîm-phó͘ ê Sèng-si, téng-bīn ê tù-chok-chiá ê miâ chiū chai Sèng-si 43, 99, 113, 156, (phó͘ nā-tiāⁿ), 232 iā lóng sī siāng chit ê Sian-siⁿ choè--ê. Chhiáⁿ ēng Chàn-bí-koa 541 siú ê tiāu, chiū-sī goân-chok-chiá ê tiāu lâi gîm, 12/8=8 hun ê im-hû, choè 12 pán, tio̍h ài gîm khah kín, pí-pán tio̍h choè 3 pán lâi pí; kap Sèng-si 113 siú ū só͘-chāi ê im-ūn sio-siāng, koh hoán-hok siang-piàn, chin hó thiaⁿ.