Siàu-liām Chú ê thiàⁿ

1949.08 Tē 728 hō p.4

(Í-hut-só͘ 5:2)

(Chiu Thian-lâi phian-e̍k)

1. Siàu-liām goá Chú ê thiàⁿ, si̍t-chāi chin chhim,

Khoàⁿ Sèng-keng chiū bêng-pe̍k, kám-kek goá sim;

Thiⁿ Pē chiong I Sèng Kiáⁿ, siúⁿ-sú sè-kan,

Tio̍h o-ló I chun-miâ, toā-toā chheng-chàn.

(Hô) Ke̍k toā bô pí ah! Chú ê thiàⁿ-thàng,

Chú ê thiàⁿ-thàng, ke̍k toā bô pí!

Goá sim him-bō͘ Chú, che toā un-tián,

Chú ah! Goá him-bō͘ Lí.

2. Goá kiâⁿ bê-lō͘ lī-khui Chú ê sin-piⁿ,

Ko͘-hū Chú ê thiàⁿ-thàng, Lí bô chek-pī;

Taⁿ, Chú lâ-so͘ chhut siaⁿ, kiò goá tò-tńg,

Só͘-í goá lâi chiū Lí, choan-sim kui-ǹg.

3. Khoàⁿ goá Chú ê êng-kng, chhut-hiān hit jit,

Goá chhuì sui-jiân boē gîm, iáu-kú sêng-si̍t;

Chí-ū chit kù ún-táng, goá oē chhut-siaⁿ,

"O-ló Chú ê thiàⁿ-tàng, ke̍k toā chun-miâ."A-men.

Hū-kì: Chit siú si, iû-goân sī kap 5 goe̍h ê Kong-pò só͘ siāu-kài hit siú "Sìn-gióng cheng-chìn ê si" siāng lâng choè--ê. Chhiáⁿ ēng Chàn-bí-koa 516 siú ê tiāu lâi gîm! ǹg-bāng choē-choē kàu-hoē ê Chú-ji̍t-o̍h, Sèng-koa-tuī lâi chhái-iōng. (Chiu Thian-lâi phian-e̍k).