oá-khò Chú, Sim pêng-an!
1949.09 tē 729 hō p.3
{Si-phian 55:18 Chàn-bí-koa 537 siú}
1. Bô-lūn keng-kè chheng-cheng khoe-chuí ê hô-piⁿ
Hoaⁿ-hí khoài-lo̍k, tek-ì ê sî:
Á-sī tú-tio̍h guî-hiám hong-éng khàm-lo̍h lâi,
oá-khò Chú, chiū thang an-jiân chū-chāi.
(Hô) Sim hoaⁿ-hí, chin pêng-an,
oá-khò Chú, chiū oē tit sim pêng-an!
2. Sui-jiân tuì-te̍k toā-toā chat-iâⁿ lâi kong-kek,
Sì-bīn khoàⁿ bô lō͘ siū khún-pek;
Tú-tio̍h chhì-liān, chai-ē, kan-lân bián choa̍t-bāng
oá-khò Chú, chiū tek-sèng, tit tháu-pàng.
3. Goá taⁿ bián siong-pi, in-uī Chú thè goá sí,
Si̍p-jī-kè téng goá choē bia̍t-khì;
Iu-būn kiaⁿ-hiâⁿ, giâu-gî siau-khì, bián-kan-khó͘
oá-khò Chú, lâi hó-táⁿ kiâⁿ thiⁿ-lō͘.
Hū-kì:- Chit siú si ê tiāu chin hó thiaⁿ, ha̍p tī sèng-koa-tuī ha̍p-chhiùⁿ ê lō͘-ēng, kap chêng-goe̍h siāu-kài nn̄g siú sio-siāng lâng chò--ê. Í-siōng goá phian-e̍k 3 siú, ǹg-bāng tāi-ke lī-iōng. (Chiu Thian-lâi).
