同信結婚宣傳歌

譜聖詩217首

陳降祥作詞

(Ko Tiong Jîn-sū-pō͘ soán)

1957.07 tē 823 hō p.12

1. Kàu-hoē ba̍k-chêng ki̍p-bū,

Chiū-sī lâm-lú chhin-sū,

Kàu-hoē nā beh chín-heng,

Tio̍h tì-ì koan-sim,

Sìn-tô͘ kiat-hun sîn-sèng,

M̄-thang lām-sám chìn-hêng,

So͘-í lán chò pē-bó,

Tio̍h thoè in in kî-tó.

Hô M̄-thang chhoā sè-sio̍k,

M̄-thang kè sè-sio̍k,

Kiaⁿ-liáu sìn-gióng bô tâng,

Kàu boé pháiⁿ kiat-kio̍k,

Tio̍h chhoā tông-sìn moē,

Tio̍h kè tông-sìn hiaⁿ,

Si̍t-hêng sìn-sim saⁿ-thiàⁿ,

En̂g-kng kui Chú miâ.

2. Kàu-hoē lâm-lú chheng-liân,

Lín tio̍h sìn-sim hiòng-chiân,

It-seng iàu-kín chhin-sū,

Kî-tó kau-tài Chú,

M̄-thang lām-sám loân-ài,

Ha̍k-si̍p siâ-ok sî-tāi,

Kàu-boé ka-têng put-moá,

Sún-sit chin-chiàⁿ toā.

3. Kàu-hoē bo̍k-su tióng-chi̍p,

Hiaⁿ-ché ia̍h tio̍h ha̍k-si̍p,

uī-tio̍h lâm-lú chheng-liân.

Kài-siāu m̄-thang siān,

Kó͘-bú tông-sìn kiat-hun,

Sán-seng sìn-gióng kiáⁿ-sun,

Kok ka-têng Ki-tok hoà,

Kàu-hoē ná tióng-toā.