CHA̍P-LIO̍K

Sèng-si chhì chok 1 siú

1959.12 tē 852 hō p.26

(Chiu Thian-lâi)

Chì-hó pêng-iú. Chú Iâ-so͘

(Iok-hān 15:13)

1. Goá sim him-bō͘ Kiù-chú Iâ-so͘,

Choè goá pêng-iú, sî-siông khoàⁿ-kò͘;

In-uī Kiù-chú hi-seng ka-kī,

Hiàn I pún-sin, thoè goá siū sí.

Hô Goá sim him-bō͘ Kiù-chú Iâ-so͘,

Eńg-oán choè goá chì-hó pêng-iú,

Eńg-oán choè goá chì-hó pêng-iú.

2. Khoàⁿ choē-choē lâng, tui-kiû hēng-hok,

Saⁿ-kap kau-poê,

hióng-siū khoài-lo̍k;

Kàu bé sit-pāi, thó͘ khuì, iu-chhiû,

Sim só͘ ì-ài, kui tī o͘-iú.

3. Sè-kan chèng-lâng, choē-choē ǹg-bāng,

Kong-bêng hù-kuì iā sī khang khang;

Chí-ū Kiù-chú, oē sù pêng-an,

Choè goá khuì-la̍t, an-uì pang-chān.

4. Goá sim kì-liām, Kiù-chú toā un,

Thiaⁿ goá choē-jîn, hō͘ goá chhin-kūn;

Kám-siā gîm-si, o-ló chheng-ho͘,

Chì-hó pêng-iú, goá Chú Iâ-so͘. A-men.

●Hū-kì: Chhiáⁿ ēng sin Chàn-bí-koa 280 siú (kū-pán 259 siú) ê tiāu lâi gîm. Chok-khek-chiá sī William B. Bradbury (1816-1868). M̄-bián gîm siuⁿ kín, in-uī lóng bô ū 2 hun ê im-hû, chí-ū 4 hun kap 8 hun ê im-hû nā-tiáⁿ, (choè-āu ê A-men khiok sī 3 hun ê im-hû); koh sok-tō [sic] ê kì-hō iā sī chí-tēng ♩ = 76. Che sī phiau-chún sok-tō͘, m̄-sī sí-pán ê kui-tēng; khah gâu gîm-si ê lâng, á-sī to̍k-chhiùⁿ-chiá, khó-í thang gîm khah kín tām-po̍h, iā sī bô siong-kan.