Sèng iā

1950.12 tē 744 hō p.14

(Tēⁿ Khe-phoàn kái-e̍k)

(Khoàⁿ phó͘ Chàn-bí-koa 105)

1. Sèng-tān iā, chheng-chēng iā,

Chhut hô-kong, kng iàⁿ-iàⁿ；

Kng chiò Sèng Bó, ia̍h chiò Sèng Kiáⁿ,

Sèng bí-māu, un-jiû, chû-pi thang thiàⁿ；

Chēng-chēng an-bîn bô kiaⁿ,

Chēng-chēng an-bîn bô kiaⁿ.

2. Sèng-tān iā, chheng-chēng iā,

Teh chiú-kiⁿ, chèng bo̍k-chiá:

Khoàⁿ-kìⁿ thiⁿ-sài, tuì êng-kng chhut siaⁿ,

Hut-jiân thian-kun chhiùⁿ Ha-le-lu-iah:

Chú kàng-seng Tāi-pi̍t siâⁿ,

Chú kàng-seng Tāi-pi̍t siâⁿ.

3. Sèng-tān iā, chheng-chēng iā,

Kî-īⁿ chhiⁿ thang gông-ngia̍h;

Tang-hng phok-sū koan-khoàⁿ chiū chai-iáⁿ,

ǹg I lâi kiâⁿ, kàu Kiù-chú Sèng-siâⁿ；

Hōng-hiàn lé-mi̍h, kèng-thiàⁿ,

Hōng-hiàn lé-mi̍h, kèng-thiàⁿ.

4. Sèng-tān iā, chheng-chēng iā,

O-ló Chú, chhut toā siaⁿ;

Chì-koân êng-kng, kui Siōng-tè Sèng-miâ,

Khèng-hō tē-chiūⁿ, Chú in-sù chò chiâⁿ；

Tâng gîm Ha-le-lu-iah,

Tâng gîm Ha-le-lu-iah.