Sèng Kiáⁿ hoà-sin kiù jîn-luī

1951.12 tē 756 hō p.6

(Sèng-tàn ngó͘-kám

(Lâu Hoa-gī)

1. Siōng-tè Sèng Kiáⁿ Chú Iâ-so͘,

Lîm-kàu sè-kan kiù kan-khó͘;

Kheh-tiàm bô uī bô chhn̂g-pho͘,

Sin ēng pò͘ pau khùn bé-chô;

Pi-bî ah! Goá Kiû-chú,

Siá-sin tâu-thai chāi-sek-lú;

Kám-kek ah! Goá Kiù-chú,

Siàu-liām kiù-in kàu kú-kú.

2. Pàng-sak pó-chō Chú Iâ-so͘,

Hō͘ lâng thoat-lī choē khó͘-chhó͘;

Só͘ kiâⁿ só͘ chò chiâⁿ bô͘-iūⁿ,

Che sū èng-kāi goá tio̍h siūⁿ；

Khoài-lo̍k ah! Chú kàng-sè,

Thè goá lâi oân sio̍k-choē chè;

Kî-biāu ah! Chú in-huī,

ēng sim ho̍k-sāi tio̍h pài-kuī.

3. Hoà-sin chò lâng Chú Iâ-so͘,

Chhin-sin tam-tng choē chiù-chó͘;

Jím-siū lêng-jio̍k chèng khó͘-chhó͘,

Goá tit pêng-an Chú siū-khó͘;

Uí-tāi ah! Chú hí-seng,

Pó-hoeh kong-hāu sé choē-chek;

Kám-siā ah! Chú Pó-pì,

Tiàm i ek-hā éng hok-khì.

4. Tang-hng chhàn-lān ê kng-chheⁿ,

Pò bêng Ki-tok taⁿ kàng-seng;

Chē tī o͘-àm chèng jîn-luī,

Tang hióng Kiù-chú toā in-huī;

Chhim-tîm ah! Chú thiàⁿ-thàng,

En̂g-kng chun-kuì kam-goān pàng;

Ò-biāu ah! Chú tì-huī,

Sèng Kiáⁿ hoà-sin kiù jîn-luī.

Key=D 4/4

(樂譜 略)

(Lâu Hoa-gī chhì chok).