POĒ-KA ŪN-TŌNG

Kài-siāu P. K. U. ê kang-chok

1954.12 792 hō p.21-22

(P. K. U. Su-kì: Loā Péng-tông).

Kài-siāu P. K. U. ê kang-chok ê khài-iàu kap kok-pō͘ ê pō͘-tiúⁿ.

1. Kì-liām siat-kàu pah chiu-nî,

Sìn-tô͘ muí lâng tio̍h kak-chhíⁿ;

Tāi-hoē uī che í-keng koat,

Cho͘-sêng chhit pō͘ teh siat-hoat.

2. Tē-it chhui-hêng pâi chò chêng,

Iau-kiû sìn-tô͘ chīn sú-bēng;

Hōng-hiàn kî-tó kap chò kang,

iā tio̍h hiàn-chîⁿ thang kiù-lâng.

3. Tē-jī châi-chèng tio̍h khak-si̍t,

Choè-chió tio̍h hiàn cha̍p-hūn-chi̍t;

Lí nā uī Chú án-ni chò,

Seng-oa̍h tek-khak bián hoân-ló.

4. Tē-saⁿ chiū-sī liân-lo̍k pō͘,

ài tit lāi-goā lâi hia̍p-chō͘;

ǹg-bāng tit-tio̍h chîⁿ kap lâng,

Poē-ka ūn-tōng chiah ún-tàng.

5. Tē-sì hō-mâi kiò chu-liāu,

èng-hù kok pō͘ só͘ su-iàu;

Chhiáⁿ lín kok pō͘ bián khoà-lū,

Nā khiàm chu-liāu chia lóng ū.

6. Koh-lâi hùn-io̍k pâi tē-gō͘,

Hùn-liān jîn-châi thang hia̍p-chō͘;

Chiong-lâi kang-lâng tio̍h ka-poē,

M̄-bián kàu-sî bô tàng chhoē.

7. Tē-la̍k hō-miâ Thoân-tō-pō͘,

Iau-kiû sìn-tô͘ toā hia̍p-chō͘;

Nā ū phài-lâng kàu kuì-tē,

Lí tio̍h hia̍p-chok m̄-thang the.

8. Tē-chhit hō-miâ kiò i-liâu,

I-pēⁿ thoân-tō͘ chò bo̍k-phiau;

Bô-chîⁿ phoà-pēⁿ siū i-tī,

ēng che lâi thoân Chú tō-lí.

Kài-siāu pō͘-tiúⁿ

1. Chhui-hêng pō͘-tiúⁿ Loā Péng-tông,

Thang kóng sui-sī bô chin thong;

Kai-chài pō͘-oân kô-kô béng,

Poē-ka ūn-tōng tek-khak sêng.

2. Châi-chèng Pō͘-tiúⁿ Gô͘ Khó-bián,

Liāu-lí keng-chè choè ún-kiān;

I teh siat-hoat ke̍k lài ún,

Bián kiaⁿ chîⁿ po̍h siū khui-sún.

3. Liân-lo̍k Pō͘-tiúⁿ Bí Te̍k-lí,

Goā-kok pêng-iú moá-moá-sī;

I ē siat-hoat lâng hia̍p-chō͘,

Nā tio̍h khiàm chîⁿ iā ū lō͘.

4. Chu-liāu Pō͘-tiúⁿ So͘ Thian-bêng,

Só͘ chiap chu-liāu kài châi-chêng;

iā ū pō͘-oân tàu siat-hoat,

Tio̍h iōng chu-liāu éng bián khoat.

5. Hn3-io̍k Pō͘-tiúⁿ si Lîm Chiàu,

Thioân-tō bo̍k-hoē gâu piàn-khiàu;

ài chai si̍t-chek khoàⁿ Phêⁿ-ô͘,

Siū-hùn ha̍k-seng boē chhò-gō͘.

6. Thoân-tō Pō͘-tiúⁿ miâ Tè Hoán,

Chit uī chiū-sī te̍k-pia̍t soán;

I ē khiā tī Su-lēng tâi,

iā ē pún-sin lo̍h-khì thâi.

7. I-liâu Pō͘-tiúⁿ Chhoà ài-gī,

I-tek ko-bêng lâng léng-lī;

I-liâu thoân-tō nā teh chò,

ún-tàng hō͘ lán choè khó-khò.

(Í-siōng).