Kàu-hoē Siau-si̍t
1. Sin-chng kàu-hoē:
4 goe̍h 25 hō, ū khì Tiong-káng-chhù chng pò͘-tō, lâi thiaⁿ ê lâm-lú, kiōng ū 30 goā lâng.
2. Lô-tong kàu-hoē:
Ū khì Tang-soaⁿ kap Lô-tong koe-goā pò͘-tō, put-chí hó ki-hoē.
3. Tām-suí kàu-hoē:
Pak-pō͘ thâu chi̍t-ê sìn-chiá, chiū-sī Giâm Bo̍k-su ê Bo̍k-su-niû tī 4 ge̍h 26 hō ū kè-óng, 27 hō tī pún-tn̂g kú-hêng chòng-sek, hoē-chòng chiá put-chí choē.
4. So͘-ò kàu-hoē:
Chú-ji̍t-o̍h, í-chêng sī siat tī Lâm-hong-ò, muí lé-pài khì hia kà, kiam choè lé-pài; taⁿ tuì 4 ge̍h khí tī pún-tn̂g ū ke siat, muí lé-pài chá-khí sî tī So͘-ò, ē-po͘ sî tī Lâm-hong-ò tāi-ke chin jia̍t-sim lâi hù.
5. Saⁿ-kak-éng kàu-hoē:
(A) Pún-goe̍h 10 hō ū siú Sèng-chhan, poê-chhan-chiá ū 36 lâng; niá soé-lé, toā-lâng 10 lâng, gín-ná 1 lâng.
(B) 22 hō, Lâu Bêng-chhun ū kè-ióng, kin-nî 30 hè.
(C) 28, 29 hō, Lū sī Gio̍k-lí, Tân Hā-lia̍t ū lâi pò͘-tō í-ki̍p sûn-ke, iā tī pài-tn̂g kà hū-jîn-lâng gín-ná gián-kiù Sèng-keng; iā ū khui te̍k-pia̍t ê hū-jîn-hoē, lâi thiaⁿ káng-ián ê lâng ū 200 goā.
6. Lêng-thâm kàu-hoē:
4 ge̍h 13 hō ū khì Soaⁿ-á-téng-chng kap Peh-tiuⁿ-lê pò͘-tō.
7. Sin-po͘ kàu-hoē:
Ū chi̍t lâng lâi choè kiû-tō-chiá.
8. Saⁿ-kak-po͘ kàu-hoē:
Keh Chheng Thoân-tō-su ê tē 8 kiáⁿ Keh Gio̍k-in 3 ge̍h 31 hō ū kè-óng.
9. Pak-tâu kàu-hoē:
4 ge̍h 12 hō, Phoaⁿ sī Bi̍t ū pia̍t-sè, hióng-siū 65 hè.
10. Tek-tang kàu-hoē:
Chit ge̍h-ji̍t ū siat ka-têng ê kî-tó-hoē, put-chí ū lī-ek.
11. Hōng-lîm kàu-hoē,
(A) 4 ge̍h 9 hō Tiuⁿ Phoaⁿ sī A-u̍t ū kè-óng, hióng-siū 30 hè.
(B) Sio̍k tī Toā-ô͘-kháu ê hoē-iú Tiuⁿ Chin-teng pún-ge̍h 13 ū kè-óng, 33 hè.
12. Sin-tek kàu-hoē:
Pún-ge̍h 10 hō, Sin-tek kàu-hoē Tok-hoē ū hō͘ hoē-iú kàm-soán 4 ê tiúⁿ-ló 4 ê chip-sū, í-keng ū kéng tio̍h Ông Tek-sèng Chio̍h An-bián nā-tiāⁿ, kî-thaⁿ--ê tī 5 ge̍h 1 ji̍t beh koh kàm-soán.
13. Kong-koán-chng kàu-hoē:
4 ge̍h 25 hō, Biâu-le̍k ê pò͘-tō tuī ū khì Tang-sì-kak pò͘-tō 5 ji̍t kú, lâi thiaⁿ ê lâng ū 600 goā.
14. Bâ-û kàu-hoē:
4 ge̍h 3 hō, ū siú Sèng-chhan, ū kā chi̍t ê toā-lâng chi̍t ê gín-ná kiâⁿ soé-lé. Poê-chhan-chiá 26 lâng.
15. Siang-liân kàu-hoē:
4 ge̍h 17 hō ē-po͘ 4 tiám poàⁿ Gán-lī phok-sū (Rr Gandier) tī pún-tn̂g ū chú-lí goā-kok lâng ê lé-pài. Lâi hù-hoē ê lâng: goā-kok-lâng lâm-lú kiōng ū 37 lâng, pún-tó lâng kiōng ū 42. Loē-tē lâng 2, kè 81 lâng.
16. Hō-siōng-chiu kàu-hoē:
Tī 4 ge̍h kan ū lîm-sî khui Káng-ián-hoē, lâi thiaⁿ ê lâng muí ē-hng ū 150 lâng. Káng-su sī pò͘-tō-thoân-oân:-Iûⁿ Chiong, Lâu Thian-lâi, thâu-bé ū kóng 1 lé-pài kú, ki-hoē put-chí hó.
17. Ē-ke-hú-teng Káng-gī-só͘:
Chit ê Káng-gī-só͘ goân-pún sī tī Kiàn-sêng-teng. Siat bô loā kú, chiām-chiām ū chìn-pō͘, kiû-tō-chiá ū ná ke-thiⁿ. Tī 3 ge̍h 27 ji̍t Tân Bo̍k-su ū kap Siang-liân ê tiúⁿ-ló chū-chi̍p Tok-hoē tī-hia lâi mn̄g tō-lí, ū 9 ê kiû-tō-chiá lâi siū-mn̄g, kî-tiong chiap-la̍p 6 ê:koh ū chiap-la̍p 2 ê gín-ná. Chin thang hoaⁿ-hí kám-siā Siōng-tè, in-uī ū tit-tio̍h siu-sêng.
