"Chi̍t tih chi̍t tih ê Chuí"

 (31)

Chi̍t pah jī-cha̍p hè ê Tn̂g-siū-hoat.

Bó͘ chhut-miâ ê phok-sū, gián-kiù lâng ji̍t-siông ê seng-oa̍h kap hè-siū ê koan-hē, hoat-piáu kóng,-lâng nā ǹg-bāng ài chia̍h kàu chi̍t pah jī-cha̍p hè, tio̍h giâm-siú ē-bīn só͘ pâi chit kuí hāng, chiū oē ta̍t bo̍k-tek: -

1. Chhoán-khuì tio̍h tuì phīⁿ-khang.

2. Khùn ê sî thang-á-mn̂g tio̍h lóng khui.

3. Ta̍k-ji̍t bín nn̄g pái chhuì-khí.

4. M̄-thang lim siuⁿ choē, chia̍h siuⁿ choē.

5. Ta̍k-ji̍t tio̍h soé-e̍k.

6. Muí-ji̍t tio̍h lē-hêng ūn-tōng.

7. Ta̍k-ji̍t tio̍h nn̄g pái pak-tó͘-iau.

8. Siā-bū m̄-thang toà tńg lâi chhù ni̍h pān.

9. Tio̍h chhiò tio̍h kiû hó chhiò ê sū.

10. Bô-lūn choè sím-mi̍h sū, m̄-thang kè-thâu.

11. Tuì seng-oa̍h tio̍h siūⁿ sóng-khoài.  M̄-thang pîn-toāⁿ.

12. Hun, chiū m̄-thang chia̍h.

13. Ji̍t-siông oá-tio̍h kha-chhiū, sin-piⁿ ê mi̍h tio̍h kò͘ chheng-khì siùⁿ.

14. Saⁿ tio̍h chiàu chhù lāi, chhù-goā, èng sî-hāu lâi chhēng.