Chóng-hoē kap Siu-ióng-hoē iân-kî

Pún nî tō͘ Pak-pō͘ Thoân-kàu-su chóng-hoē kap Siu-ióng-hoē, pún-jiân ū-tēng sī tī 7 ge̍h 5 ji̍t beh khui, taⁿ ài iân-kî kàu chhiu thiⁿ, tāi-khài cha̍p-ge̍h kan.  iân-kî ê lí-iû ū kuí-nā-hāng:

Chi̍t-hāng sī chhiáⁿ bô káng-su; koh chi̍t-hāng ka-kī ê Soan-kàu-su ū ê beh khì Loē-tē; ia̍h koh chi̍t-hāng Bú-hoē ê chóng-sûn kap Sin ê soan-kàu-su, chhiu-thiⁿ beh kàu-uī.  án-ni iân-kî kàu hit-tia̍p khah-ha̍h.  ǹg-bāng kàu hit-tia̍p iā ū thang tit-tio̍h chi̍t-uī káng-su tuì Loē-tē lâi, ǹg-bāng hō͘ tāi-ke khah ū lī-ek.

Thoân-tō-kio̍k.