Pò͘-tō pì-koat
Hiān-sî chiàⁿ-sī pò͘-tō ê hó ki-hoē, in-uī khah bô lo̍h-hō͘, koh ge̍h-kng-mî ê sî, beh tī iá-goā chū-chi̍p si̍t-chāi chin hó-sè.
Só͘-í kóng, Hiān-sî sī pò͘-tō ê hó sî-kî.
Iâ-so͘ chá-chêng iû-goân sī sì-koè kiâⁿ, sì-koè chū-chi̍p, in-uī án-ni oē hō͘ lâng khah chhù-bī, khah sim-sek.
Só͘-í lán hiān-sî iû-goân tio̍h o̍h chit ê hong-hoat, lâi toā-toā kó͘-bú pò͘-tō ê kang, thang khóng-khoah Thian-kok tī lán Tâi-oân ê tiong-kan!
Taⁿ lūn pò͘-tō ê hong-hoat ū choē-choē khoán. Ū ê gîm-si, ū ê ēng ga̍k-khì, ū ê ián-soat, choē-choē khoán. Khiok sī chiàu kok-lâng ê chhù-bī, kok-lâng ê keng-giām lâi chhòng khoàⁿ tó chi̍t hāng khah ū hāu-kó.
Lūn Pò͘-tō só͘ beh kóng ê, goá khoàⁿ ū 3 hāng khah toā iàu-kín. Chiū-sī:-
1. Sîn. (Siōng-tè)
2. Choē.
3. Kiù
Á-sī kóng: -
1. Sìn Siōng-tè.
2. Hoán-hoé choē.
3. Khò Iâ-so͘.
Chit 3 hāng sī Ki-tok-kàu kun-pún ê Tō-lí. Só͘-í chin toā iàu-kín tio̍h thiah bêng hō͘ chho͘-chho͘ sìn ê lâng liáu-kái.
Nā án-ni, chiū oē hō͘ khah-choē lâng lâi jìn Ki-tok-kàu, oē chín-kiù jîn-seng ê khó͘-būn, oē i-tī lêng-hûn ê pīⁿ-thiàⁿ.
ǹg-bāng Tāi-ke chhut-la̍t hùn-tò͘, tī tak ê toē-hng, kó͘-bú chhut-la̍t ín-chhoā choē-choē sit-lo̍h ê iûⁿ, lâi kui Chú, che kiám m̄-sī toa-toā ê En̂g-kng mah?
ǹg-bāng tuì pò͘-tō, oē siu-sêng choē-choē ê hāu-kó.
