Chit siú sī New york ê hawks hū-jîn só͘ choè ê. I chhut-sì tī 1877 nî, sī Bí-kok chìm-lé kàu ê hoē-iú, 37 hè ê sî só͘ siá--ê. I ū choè chin-choē ê si, ta̍k lé-pài lo̍h tī kuí-nā-uī Chú-ji̍t-o̍h ê cha̍p-chì. Tī só͘ choè ê si ê tiong-kan, I ê ì-sù sī ài hō͘ lâng khoàⁿ-kìⁿ Chú só͘-í I ê sí lóng sī tō-lí moá-moá. Nā-sī pa̍t-lâng só͘ choè ê, sī hō͘ lâng tha̍k-liáu oē chai hit ê choè ê lâng ê kéng-gū, hó-gia̍h á-sī sòng-hiong.
Hawks hū-jîn só͘ choè ê, lâng khoàⁿ liáu m̄-chai I ê kéng-gū. I só͘ siá ê si lóng ū ha̍p tī pîn-chiān hù-kuì ê khiàm-kheh. Chhin-chhiūⁿ "Sî-khek goá khiàm-ēng Chú" Ì-sù sī m̄-nā chi̍t khek-kú khiàm-ēng Chú nā-tiāⁿ, tio̍h put-sî, bô hioh ài kap Chú chhin-kūn.
