CHIOK KONG-KOÁN KÀU-HOĒ SÊNG-LI̍P Ê CHIOK-KOA

947 kî  1964.12  p.14

Tân Keh Kím-hōng

1. Kong-koán kàu-hoē chin kiong-hí,

Kim-ji̍t sin tn̂g í chhut-sì,

Hō miâ kiò Kong-koán kàu-hoē,

ǹg-bāng kiáⁿ-sun chhut chin-choē.

2. It kiú lio̍k sù cha̍p-it ge̍h,

Chhoe-jī ji̍t-chí tī kuì toē,

Teng-chhiong Bo̍k-su hū chek-jīm,

Hiaⁿ-tī chí-bē lóng kong-lîm.

3. Kin-nî hùn-tò͘ lâi khai-sí,

Mê-nî chhiu-thiⁿ che sî-kî,

Hiaⁿ-chí tāi-ke chhiò bi-bi,

In-uī lâng-gia̍h toā ke-thiⁿ.

4. Goān Chú chiok-hok muí chi̍t lâng,

Ló͘-le̍k ēng-kang sim saⁿ-tâng,

Chú lāi hiaⁿ-chí saⁿ pang-chān,

En̂g-iāu Sèng-miâ kàu goā-pang.

5. Goān lán it-chhè ēng kî-tó,

Sèng-keng ê oē lóng si pó,

Goān Chú sî-siông lâi ín-chhoā,

Kàu-hoē ji̍t-ji̍t khoài tióng-toā.

6. Chit chhù oân-choân khò sìn-sim,

Hiaⁿ-chí hia̍p-le̍k lâi bō͘ kim,

Tāi-ke tāi-tó tit lêng-le̍k,

Goá Chú chō-chiū ta̍k sî-khek.

7. Choè-āu kiû Chú chiok tāi-ke,

Liân-sio̍k koan-sim kiat thoân-thé,

Pó-kuì sî-kan khoài kè-khì,

Chí khò kî-tó phah toé-tì.

Tân Keh Kím-hōng chiok.