新翻譯的詩1897.08 149卷 p.641.耶穌時常佇我身邊，實在疼我到極，情願離開天頂富貴，顧阮細子盡力。2.你的面貌榮光燦爛，近倚，我看bē見，雖罔細聲kap我講話，我聽攏無入耳。3.主你的手近倚佇我，顯出慈悲疼痛，親像父母愛牽細子，予我會tit成人。4.佇我心內是你teh toà，贊我贏過對敵，我疼上帝家己會知，主的仁愛無極。5.設使早暗跪落祈禱，Kap你交陪求恩，聖神企起佇我心內，干證救主親近。6.就近上帝彼時救主，替我迫切祈禱。我睏落眠耶穌永醒，顧我並無煩惱。
Sin hoan-e̍k ê Si1897.08 149 koàn p.641.Iâ-so͘ sî-siông tī goá sin-piⁿ, Si̍t-chāi thiàⁿ goá kàu ke̍k, Chêng-goān lī-khui thiⁿ-téng hù-kuì, Kò͘ goán sè-kiáⁿ chīn-le̍k. 2.Li ê bīn-māu êng-kng chhàn-lān, Kīn-oá, goá khoàⁿ bē kìⁿ, Sui-bóng sè-siaⁿ kap goá kóng-oē, Goá thiaⁿ lóng bô ji̍p hīⁿ. 3.Chú Lí ê chhiú kīn oá tī goá, Hián-chhut chû-pi thiàⁿ-thàng, Chhin-chhiūⁿ pē-bó ài khan sè-kiáⁿ, Hō͘ goá ē-tit chiâⁿ lâng. 4. Tī goá sim-lāi sī Lí teh toà, Chān goá iâⁿ-koè tuì-te̍k, Goá thiàⁿ Siōng-tè ka-tī ē chai, Chú ê jîn-ài bû-ke̍k. 5.Siat-sú chá-àm kuī-lo̍h kî-tó, Kap Lí kau-poê kiû in, Sèng-sîn khiā-khí tī goá sim-lāi, Kan-chèng Kiù-chú chhin-kīn. 6.Chiū-kīn Siōng-tè hit-sî Kiù-chú, Thè goá pek-chhiat kî-tó, Goá khùn lo̍h bîn Iâ-so͘ éng-chhíⁿ, Kò͘ goá pēng bô hoân-ló.
