Chè-iâm ê Ki-khì.

1911.08  317 koàn  p.70

Chū chá-chêng í-lâi muí só͘-chāi teh pha̍k iâm lóng-sī chiong kiâm-chuí pha̍k- ta, khah chē-uī sī ēng ji̍t pha̍k-ê: Chóng-- sī Eng-kok kap Bí-kok ê ji̍t bô hiah iām, chiàⁿ iōng thô͘-thoàⁿ hiâⁿ tiáⁿ lâi chú. M̄-kú hit-ê thô͘-thoàⁿ khah kuì, iâm ê kè-chîⁿ khah sio̍k, khah bô siáⁿ thàn.  Kīn-lâi Eng-kok ū lâng kek-chhut chi̍t-ê ki-khì, sui-jiân iû-goân sī ēng thô͘-thoàⁿ lâi chú, m̄-kú só͘ iōng ê thô͘- thoàⁿ ke̍k séng, chi̍t-chàu ê thô͘-thoàⁿ ē chú-tit kuí-nā tiáⁿ ê iâm; pún-chîⁿ khah séng, thàn chîⁿ khah chē. Chiàu hit-pêng ê kok-hoat nā ū kek-chhut sin ki-khì ê khì pín-pò Koaⁿ-hú, Koaⁿ-hú m̄-chún pa̍t-lâng chò kap i sio-siāng ê. Pa̍t-lâng nā ài chò kap i sio-siāng, tio̍h Kóng chîⁿ hō͘ hit-ê lâng hoaⁿ-hí, chiàⁿ beh chún i chò.

Chim-má ū Bí-kok chè-iâm ê hoē-siā kap hit-ê kek ki-khì ê lâng li̍p-iok, chit- ê chè-iâm ê lī-koân chí-ū hit-ê kap i li̍p- iok ê hoē-siā ē chè-chō--tit, thong Bí- kok ê lâng lóng-chóng bē chè-chō--tit, beh chiong chi̍t-chheng bān gîn kā i bé chit-ê lī-koân; chit-ê kek ki-khì ê lâng í-keng ín i. Chit-ê lâng sī lán Eng-kok Tiúⁿ-ló Kàu-hoē ê tiúⁿ-ló.