論豬
1914.01 346卷P.10
猶太人掠豬做可惡。佇眾驚人的活物in第一怨恨豬，kiám-chhái是因為豬愛食lâ-sâm物(利未記)。猶太人決斷毋食豬肉。到in四散佇逐國的時in 的對敵捌勉強in食豬肉苦楚in，愛予in bak著lâ-sâm。有的經過真濟艱苦也毋食；連欲予in死in也毋食。
猶太人也毋通飼豬。遐的Ka-tāi-lia̍p 的地方的人teh飼豬( )是犯法。In teh 飼敢是欲賣予異邦人。主耶穌有准遐的鬼剿滅in 的豬。
按呢通知放蕩囝若甘願飼豬( )實在是因為艱苦到極。親像按呢人離開上帝也是拄著大淒慘的苦境。
佇聖冊有記三个俗語teh講起豬。所羅門講，「豬的鼻毋應該掛金環；戇的婦人人毋應該？」( )。In彼爿的人看婦人人的鼻掛金環做好看。總是豬鼻掛金環是真無合；親像按呢戇的婦人人袂堪得?。
新約講，「豬已經洗清氣閣noà佇土糜的中央」( )。Ná親像人外皮綴耶穌，總是心無重頭生，所以無偌久就閣照舊款。
主耶穌講，「莫得用珍珠hiat予豬」 ( )。人若kan-ta顧thit-thô，啉食佮睏，就毋免用寶貝的福音來排列佇伊的面前，因為伊攏袂曉看；主的意思就是按呢。 |
