南崁的教會。
1914.6，no.351，pp.7
對設教到taⁿ有23年。起頭設佇南崁教會七年。不幸1898年予水流去，就徙去樹林仔借會友的厝聚集一年。閣一齊同心創守求教事會的幫贊，就佇羊寮坑借林日旺長老的山尖起拜堂。到這霎拜堂猶原佇遐。空氣是好，獨獨食水買物較為難，閣異邦人來聽道理較無利便。對幾年前來有拄著會內相爭攪擾的可惜。佳哉近來有拄著和平的款。Taⁿ受洗禮的大細有75人，聽道理無洗禮--ê 28人，會讀聖經45人，每禮拜聚集有60人左右，主日學27人。緣金舊年160箍外。算近來有淡薄進步，所可惜--ê就是男女有的無行主的道理，致到阻擋真理。請看報的兄弟姊妹切替我祈禱，向望主督責，改人舊性閣得著換新的心，來興起上帝的國，是心所願。
(陳添旺記的)。 |
