台灣同化會
1915.2，no.359，pp.10
創守創設同化會--的，就是Pek-chiok姓Pán-hoân名Thoè-chō͘。徛佇朝廷的中間真好名聲，人人不止尊敬。伊的高壽已經83歲，精神iáu-kú khok-lek。為著咱台灣的百姓日暝想念，將伊全部的精神攏注意佇這面。為著按呢無嫌跋涉的艱苦，就過來這爿視察民風；然後閣倒來，真正有志者事竟成。佇11月間就會成立lah。
設這个會的主旨，就是愛予台灣的百姓佮內地人ē快快和合，大家無分別，會通久長連絡，做gâu相疼的好朋友。
這个會設了卻是好意思。總是照政府看是無夠額妥當，驚了會致到損害公安的保持。就議定共伊取消。
Tâi-oân Tông-hoà-hoē
1915. 2, no. 359, pp. 10
Chhiòng-siú chhòng-siat Tông-hoà-hoē--ê, chiū-sī Pek-chiok sìⁿ Pán-hoân miâ Thoè-chō͘. Khiā tī tiâu-têng ê tiong-kan chin hó miâ-siaⁿ, lâng-lâng put-chí chun-kèng. I ê ko-siū í-keng 83 hoè, cheng-sîn iáu-kú khok-lek. uī-tio̍h lán Tâi-oân ê peh-sìⁿ ji̍t-mê siūⁿ-liām, chiong i choân-pō͘ ê cheng-sîn lóng chù-ì tī chit-bīn. uī-tio̍h án-ni bô hiâm poa̍h-sia̍p ê kan-khó͘, chiū koè-lâi chit pêng sī-chhat bîn-hong; jiân-āu koh tò-lâi, chin-chiàⁿ iú-chì chiá sū kéng-sêng. Tī 11 goe̍h kan chiū hoē sêng-li̍p lah.
Siat chit-ê hoē ê chú-chí, chiū-sī ài hō͘ Tâi-oân ê peh-sìⁿ kap Loē-tē lâng ē khoài-khoài hô-ha̍p, tāi-ke bô hun-piat, ē thang kú-tn̂g liân-lo̍k, chò gâu saⁿ-thiàⁿ ê hó pêng-iú.
Chit-ê hoē siat liáu khiok sī hó ì-sù. Chóng-sī chiàu chèng-hú khoàⁿ sī bô kàu-gia̍h thò-tòng, kiaⁿ-liáu ē tì-kàu sún-hāi kong-an ê pó-chhî. Chiū gī-tiāⁿ kā i chhú-siau.
