感謝盜賊
1915.2，no.359，pp.12
英國耶穌教的牧師賓為霖先生，因為傳道理來中國。有一日行佇某所在，路裡拄著賊，將伊所有的物一盡共伊the̍h--去。先生叫遐的賊倒轉--來就共in講，恁chiah 的強搶我的物，實在真無理氣。總是我今仔日也毋傷責備恁；獨獨是愛共恁欲用我的物的法度，予恁袂將我有路用的物掠做無路用nā-tiāⁿ。
就教伊時表著按怎開，按怎轉，按怎看，也刀仔chhiám仔欲食物的時著按怎用；又閣替in祈禱上帝，然後才kah in去。遐的賊感念-著先生的仁愛，將先生的物攏還伊，就做in去。
按呢可見賊也是有良心，袂講得袂感化得；設使現時的傳教--的攏會用先生的心做in 的心，用先生的話做in 的話，雖然是有歹人，kiám會oh得予伊入真的道理。
[頂面這个故事是對一本「益世故事」翻譯的，計共有二十外條。冊房teh賣，每本4 chiam。這文理較淺，欲予囡仔讀蓋合路用。] |
