拜堂移轉。
1915.2，no.360，pp.12
前pang講，鹹水港教會的禮拜堂，是佇較街尾冷靜的所在。後來有閣建置一塊厝佮地佇新街。Taⁿ已經佇2月6號有搬過來--lah！列位諸君若有甚物批信欲往來，批殼請寫鹹水港新街禮拜堂，按呢就會到。
望看報的諸君替阮祈禱，予阮對徙來--去，會漸進步，較濟人來歸主，予信者會較熱心。
(胡益謙記。)
Pài-tn̂g Î-choán.
1915. 2, no. 360, pp. 12
Chêng-pang kóng, Kiâm-chuí-káng Kàu-hoē ê Lé-pài-tn̂g, sī tī khah ke-boé léng-chēng ê só͘-chāi. āu-lâi ū koh kiàn-tì chi̍t tè chhù kap tē tī Sin-ke. Taⁿ í-keng tī 2 goe̍h 6 hō ū poaⁿ koè-lâi--lah! Lia̍t-uī chu-kun nā ū sím-mi̍h phoe-sìn beh óng-lâi, phoe-khak chhiáⁿ siá Kiâm-chuí-káng Sin-ke Lé-pài-tn̂g, án-ni chiū ē kàu.
Bāng khoàⁿ Pò ê chu-kun thè goán kî-tó, hō͘ goán tuì soá-lâi--khì, ē chiām chìn-pō͘, khah chē lâng lâi kui Chú, hō͘ sìn-chiá ē khah jia̍t-sim.
(Ô͘ Ek-khiam kì.)
