Lūn kho-ha̍k
1915. 8, no. 365, pp. 10
Kok-gú, Soàn-su̍t, Hàn-bûn, Siu-sin, Lí-kho, Tē-lí, Chok-bûn, Si̍p-jī, Chhiùⁿ-koa, oē-tô͘, Thé-chho, Lô-má-jī chiah ê.
Lūn kì-siok-sià pún-jiân sī lîm-sî--ê, só͘-í tio̍h ēng báng-tà, taⁿ koh kái-liông ēng thih bāng chò thang, hō͘ báng bē tit-ji̍p, iū-koh khah thang hong, ha̍k-seng chiū ún-tàng khah khoàⁿ-oa̍h.
Lūn hoé-si̍t sī kì-siok-seng tāi-ke chò-hoé chia̍h, chiàu khui ta̍k goe̍h-ji̍t muí-lâng ū khah siong-tiōng, taⁿ nā khah chē lâng chiū ún-tàng khah séng.
Lia̍t-uī ê hiaⁿ-tī lín nā hoaⁿ-hí thang sàng lín ê chú-ti̍t lâi, m̄-bián kiaⁿ bô lâng kò͘, ū sian-seⁿ tī seng-khu-piⁿ, m̄-loā hn̄g, m̄-bián kiaⁿ bô tè khùn, pâng-keng chin chē, m̄-bián kiaⁿ pû oe-á ū lâng teh chú piān-piān. Si̍t-chāi ta̍k hāng chin lī-piān.
ǹg-bāng lia̍t-uī nā ū beh sàng lín ê chú-ti̍t lâi thang liōng-chá siá phoe hō͘ chia ê Bo̍k-su iàu-kín tī Se-le̍k 8 goe̍h 20 ji̍t khui o̍h tio̍h chhoā-lâi.
ēng chit kuí-kù thong-ti soà kā lín chhéng-an.
Ô͘ Siāu-hong pit.
