浪蕩子歌
1915.09 366卷 p.12
6. 就倚一人來止饑， Hit人教伊去飼豬， 逐頓所食無夠額， 就將豆殼koh來食。
7. 豆殼粗粗難得哺， 想著目屎若落雨， 忽然反悔想著父， 就講阮厝工真濟。
8. 今著緊緊轉鄉里，Chiàⁿ免toà chia餓beh 死，M̄-kú得罪天佮父， 今著攏總kā 父chhē。
9. 我今實在真不tē ， 求你hō͘我做工藝， Liâm-piⁿ越頭就倒轉， 相離iáu-kú有hiah 遠。
10. 老父看見發慈心， 緊緊走去抱teh chim， Hit時頭毛變鳥siū, 身穿破爛扑結球。
11. 正手舉枴揹ka-chì, 倒手抓癢頭tàm-chì, 老父看了無受氣， 心肝反轉 teh 得意。
12. Ché子反悔認不是，老父半句無責備； 吩咐奴僕緊回家，提衫手指以及鞋。
13. 就thâi 肥牛設筵席， 逐家歡喜著來食；因為ché子本是死，佳哉復活thang歡喜。 |
