假好迷惑信者。
1915.11，no.368，pp.7
近來守拜六做禮拜日的人有閣再來台灣賣月報攪擾咱的教會。In 的月報是號做「時調月報」。論這个月報卻有幾若項好的道理佇teh，毋kú共伊閣詳細看就知所要緊是愛迷惑教會。照in講，咱守禮拜日是毋著，著趁猶太人的舊款，來守拜六。論這个代誌這陣毋免議論。已經有人議論明白，來應佇彼本「安息日論」。大概來講，咱毋是猶太教，咱是基督教，將主閣活的日來做禮拜日，毋免佮猶太人守拜六。
這个守拜六的教派有真少人。或是佇美國，加拿大抑是歐羅巴洲，屬這个教派無偌濟个。閣in罕得去招呼猶未信道理的人，攏是愛引誘別的教派的人來趁in 的道理。Taⁿ請列位兄弟姊妹著持防，毋通予in迷惑引誘。 |
