Tâi-lâm Hok-im Chu-īⁿ.

1916. 1, no. 370, pp. 4

  Pún-hāu goân-pún in-uī beh khui-khoah Ki-tok-kàu lâi siat-li̍p--ê.

  Tuì siat kàu taⁿ í-keng keng-koè saⁿ-cha̍p goā nî. Hiān-sî pún-tó kui Tè-kok koán-hat; kok siā-hoē toā-sè ê ha̍k-hāu pêⁿ-pêⁿ ū chè-ho̍k, chè-bō, kì-chiong, chò pîn-kì. Pè-hāu iā tit-tio̍h pâi-lia̍t tī ha̍k-hāu ê uī; eng-kai tio̍h o̍h ta̍k keng ha̍k-hāu ê chè-tō͘ chiah ha̍p-gî.

  Taⁿ gí-tiāⁿ chè-bō, bō-téng khûn chi̍t-choā ê âng-hûn, bō-piⁿ khûn saⁿ-choā pe̍h-sûn; hia̍h-téng ê kì-chiong ēng pún-tô͘ chò uî-kì.

  Chè-ho̍k, liú-á kap chhiú-ńg-kháu ê liú sī ēng pún-tô͘ chò hō. Hō͘ lia̍t-uī chu-kun khoàⁿ-kìⁿ chiū chai sī Hok-im Chu-īⁿ ê ha̍k-seng.