棄邪歸道。
1916. 4，no. 373，pp. 7
佇枋橋有一个聽道者舊年3月來聽道理，聽5月日久就會曉祈禱，祈禱的話贏過眾會友。伊是卜卦看命的先生。今實在反悔。舊曆正月初3日有提龜卦佮籤筒，籤仔來送我。我講，「甚物人叫你提來？」伊講無人叫伊，是伊家己提來。伊有講對這霎了後攏毋閣創這款的邪。我講，「今你無頭路欲怎樣？」伊講伊的頭路欲予上帝推排。現在無頭路不止艱苦。南湖的教會呂興良先生聽見伊的款，心不止受感激；伊有每月欲幫贊伊一箍銀，幫贊伊到有頭路。反悔的人是四五十歲的人，伊的名是詹Sióng-kî。現時不止熱心四界咧講道理予人聽。請看報的兄弟替伊祈禱。閣若有人欲倩伊，才寫批來枋橋。這个人漢文不止捌。
(石安慎)。 |
