Tang Sai Lâm Pak
Kai Joē-liâm
1933.10 (Koà-Chhài-Chí Tē 93 Hō) p.24-25
(1) Tī ìn-tō͘ Kat-kut-a , ū chi̍t ê siàu-liân Eng-kok lâng ,put-chí châi-chêng; iū-koh sī Kang-ha̍k-sū. I tuì tit-tio̍h Chú pó-poè ê tō-lí , chiū aò choan-sim thoân-pò hok-im. Ka-kī cho͘-chit Sèng-keng Ha̍k-hāu , kà-sī hak7-seng tō-lí kang-gia̍p . Lóng bô siū lâng pó͘-chō͘. Hiān-sî seng-tô͘ ū 24 lâng , tāi-ke chin jia̍t-sim.
(2) Ka-ná-tāi Tiúⁿ-ló Kàu-hoē, ū 1320 keng pài-tn̂g kap káng-gī-só͘;tiúⁿ-ló ū 6133 lâng . Kū-nî ū kā 865 ê toā-lâng , kap 5728 ê gín-á kiâⁿ soé-lé.
(3) To̍k-choâ nā-sī hō͘ pat bé to̍k-choâ kā-tio̍h ,iû-goân oē sí.
(4) Chiàu Hoat-kok chi̍t ê sin-bûn kì-chiá só͘ tiau-cha, sè-kài ū 17 ê toā hó-gia̍h lâng. Taⁿ chiong in ê miâ pâi-lia̍t tī ē toé:-
(1) Edsel Ford:Bí-kok chū-tōng-chhia ông.
(2) Henry Ford: Bí-kok chū-tōng-chhia ông ê lāu-pē (nn̄g ê pē-kiáⁿ)
(3) Rothschild: Hoat-kok Iû-thài lâng.
(4)Duke of Westminster: Eng-kok lâng.
(5)Ui-liâm tē jī : Kū-sî Tek-kok hông-tè.
(6)Gaekevar: ìn-tō͘ lâng.
(7)Gaharoff: Hi-liap lâng.
(8)Patino: Lâm-bí Pho-lī-hui-a ,tâng-ông.
(9)Lord lveagh: Eng-kok lâng.
(10)Aga Khan : ìn-tō͘ Hoê-hoê-kàu ê thâu.
(11)Nizan: ìn-tō͘ lâng.
(12)Wendel:Hoat-kok lâng.
(13)Rockefeller: Bí-kok Chio̍h-iû ông.
(14)Rockefeller Sr:Bí-kok Chio̍h-iû ông ê lāu-pē(nn̄g-ê pē-á-kiáⁿ).
(15)Lo͘is-Dreyfus: Hoat-kok lâng.
(16)Mellon:Bí-kok lâng
(17)Thyssen : Tek-kok lâng.
Tiong-kan, tē 13 kap 14 ; chit nng ê chhàu-iû ông, nā bô chiong iu ê gia̍p-sán kià-hù hiah choē choè chû-siān, chiū in ê gia̍p-sán thang kóng sī tē-it. Chit nn̄g uī lóng sī Ki-tok-kàu ê sìn tô͘.
Tē-it kap tē-jī, iā sī Ki-tok-kàu ê lâng, sio̍k Sèng-kong-hoē.
Tē 11, chit ê ìn-tō͘ lâng ê pó-chio̍h, kim-khì ta̍t tit 10 ek bān.
Tē 6, ìn-tō͘ lâng. I chi̍t niá kong ho̍k,sī pó-chio̍h lâi choè--ê, ta̍t tit 3000 goā bān.
(5)Kūn-lâi Tek-kok put-chí pháiⁿ khoán-thāi i pún-kok ê Iû-thài lâng, put-chí lêng-jio̍k in. Tì-kàu 10 ê chhue-miâ ê phok-sū ū chàu khì Bí-kok. Tī Niú-iok-chhī ū kiàn-siat chi̍t keng Tāi-ha̍k, hō-choè Chhong-kun Tāi-ha̍k. Ha̍k-seng put-chí choē chhin-kun in.
Phok-sū kóng , Sui-jiân siū-tio̍h pháiⁿ khoán-thāi, in bô beh soan-thoân lâng ê pháiⁿ, kan-ta beh jiat-sim ke-thiⁿ ha̍k-seng ê ha̍k-būn.
(6) Tī Tek-kok ū chi̍t ê chhut-miâ ê im-ga̍k-ka, kho-ha̍k-chiá, siâng-sî iā sī Sîn-ha̍k-ka kap i-seng, hoaⁿ-hí hiàn-sin khì A-hui-lī-ka choè Soan-kàu-sū. I iā bat tī Tāi-ha̍k choè kàu-siū.
(7) Ai-ki̍p kok Nî-lô-hô chin oan-khiau , chuí lâu chin bān. Chit pang kè-ek beh chhòng khah ti̍t, hō͘ chuí lâu khah kín, thang choè im chhân-hn̂g ê lō͘-ēng. Khai-huì tio̍h 3 ek bān.
(8) Tī Bí-kok ū chi̍t ê lâng ēng tiò-ko koà chhia-á khì tiò hî. Tiò-tio̍h chi̍t bé 295 kun . Koh tiò chi̍t bé 168 kun. Chóng-sī hit khoán ê tiò-ko kap soàⁿ-tio̍h pah-goā gûn.
(9) Tī Boán-chiu kok ū chi̍t ê sìn-tô͘, Kū-iok Sèng-keng tha̍k 70 pái, Sin-iok Sèng-keng tha̍k 100 pái.
(10) Kū-nî Bú-hoē ū 11 ê bo̍k-su chhéng beh kò͘-ló. Chiong in ê nî-hè kap thoân-kàu ê nî-kan pâi-lia̍t tī ē toé:-
(1)74 hè choè kang 45 nî.
(2)82 hè choè kang 36 nî poàⁿ.
(3)67 hè choè kang 36 nî.
(4)72 hè choè kang 40 nî.
(5)77 hè choè kang 39 nî.
(6)68 hè choè kang 38 nî.
(7)64 hè choè kang 39 nî.
(8)72 hè choè kang 20 nî.
(9)70 hè choè kang 40 nî.
(10)75 hè choè kang 40 nî.
(11)75 hè choè káng0 nî.
In ê pín-chhéng, ū tit-tio̍h Chóng-hoē ê ún-chún. Si̍t-chāi put-chí oē kham-tit lah !
