Goān Chú bô pàng-sak

1930.02  tē 539 koàn  p.6

(Chhoà Poê-hoé)

doh = f

1.To̍k-it chì-chun ê Siōng-tè,

Lí sī goán lâng ê Thiⁿ-pē,

Bān-mi̍h lóng siū Lí chhòng-chō,

Bān-sū lòng kui Lí thóng-chè,

Goān Chú bô pàng-sak,

Tâi-oân iā sī sio̍k Lí ê,

Goān Chú bô pàng-sak,

Tâi-oân iā sī sio̍k Lí ê.

2.Gio̍k-san chiū-sī Sin-ko-soaⁿ,

Thiⁿ-pē hō͘ i kàu hiah koân,

Soaⁿ-téng thiⁿ-kng hiah-ni̍h chá,

Soaⁿ-ē m̄-thang hō͘ chiah bān,

Goān Chú bô pàng-sak,

iōng Lí ê kng lâi chiò goán,

Goān Chú bô pàng-sak,

iōng Lí ê kng lâi chiò goán.

3.Chheng-chheng hō͘-chuí tuì thiⁿ lo̍h,

Lô-chuí khe-lâu chin-chiàⁿ lô,

Pē só͘ siúⁿ-sù pún chheng-khì,

Tuì goán ê choē piàn m̄-hó,

Goān Chú bô pàng-sak,

Siúⁿ-sù khuì-la̍t thang kái-kò,

Goān Chú bô pàng-sak,

Siúⁿ-sù khuì-la̍t thang kái-kò.

4.A-tong hoān choē tī Lo̍k-hn̂g,

Sè-kan tuì hia chiū bô kng,

Goán nā iáu beh toè i khì,

Choē ê kè-chîⁿ tio̍h tam-tng,

Goān Chú bô pàng-sak,

Kiò goán koáⁿ-kín oa̍t tò-tńg,

Goān Chú bô pàng-sak,

Kiò goán koáⁿ-kín oa̍t tò-tńg.

5.Sèng-kiáⁿ lâ-so͘ thè goán sí,

Bān-poaⁿ choē-ok lóng siau-tî,

Tāi-ke m̄-bián koh khó͘-náu,

Thian-tông mn̂g lō͘ í-keng khui,

Chú bô pàng-sak goán,

Hō͘ goán hó-táⁿ chìn ji̍p-khì,

Chú bô pàng-sak goán,

Hō͘ goán hó-táⁿ chìn ji̍p-khì.

6.Taⁿ goán tâng-sim khiā tī chia,

Pek-chhiat khún-kiû choē tit sià,

Pē nā ài goán chò hiàn-chè,

Ū Chú chhoā goán goán kám-siā,

Chú bô pàng-sak goán,

Chí goān Tâi-oân chò Sèng-siâⁿ,

Chú bô pàng-sak goán,

Chí goān Tâi-oân chò Sèng-siâⁿ.