Sèng ê Sìn-gióng
1930.07 tē 544 koàn p.5
Sagiora (Key A) 8.8.8.8.8.8. jī.
1.Tuì Chú lâu hoeh, goá tit lī-ek,
Kiám ē án-ni? goá bô tō-tek.
I thè goá sí, siáⁿ lâng kah I?
Sím-mi̍h lâng pek I thè goá sí?
Goá ê Siōng-tè goān thè goá sí.
Cháiⁿ-iūⁿ án-ni? thiàⁿ-thàng bô pí!
Goá ê Siōng-tè goān thè goá sí.
Cháiⁿ-iūⁿ án-ni? thiàⁿ-thàng bô pí!
2.Chin sī ò-biāu! Put-bia̍t, ū sí!
Siáⁿ lâng chai Chú kè-e̍k sin-kî?
Chú thiàⁿ chhim-tîm, thiⁿ-sài chhui-chhek,
Sui-jiân chīn-la̍t, oh-tit bêng-pe̍k.
Lîn-bín toā ah!lán tio̍h kám in;
Thiⁿ-sài gián-kiù, in bián koh chìn.
3.Thiⁿ-téng ông-uī, I goān hòng-khì;
In-tián bû kiông si-lo̍h tuì I.
Piàⁿ-khang ka-tī, choan-choan jîn-ài;
Lâu hoeh,uī-tio̍h loán-jio̍k sè-kài.
Lîn-bín toā ah! khòng-khoah (sic. khóng-khoah) bû pian,
Goá ê Siōng-tè, bô hiâm goá chiān.
4.Choē kap ok-sèng pa̍k goá chin ân,
Sim-sîn siū koaiⁿ, ài thoat kan-lân.
oa̍h-miā kng-soàⁿ siā-ji̍p àm-mê,
Kaⁿ-lô chiò kng, goá chiū kak-chhéⁿ,
Só-liān lóng lut, sim-koaⁿ chū-iû,
Peh-khí-lâi toè chí-hó Pêng-iú.
5.Goá taⁿ bián kiaⁿ tēng-choē tîm-lûn,
Iâ-so͘ só͘ ū, goá lóng ū hūn.
Tiàm tī oa̍h-miā ê thâu, goá oa̍h;
Chhēng Chú ê gī, chū-chāi bô chhoah,
Taⁿ goá hó-táⁿ oá-kīn in-chō,
Chhéng-kiû bián-liû, khò Chú kong-lô.
