Ki-tok ê Peng

1931.05  tē 554 koàn  p.4

(Khó͘ Chuí-lō͘)

Key BÞ.

Chit siú ê si-tiāu, chiū-sī chioh Chàn-bí-koa hā-phian 217 siú ê tiāu.

1.Hō-thâu tio̍h toā tân kiû Chú lâi pang-chān

Tuì-te̍k í-keng kīn chêng beh hāi lán

Chiàn-kî kia̍h khí-lâi, ēng sìn chò tîn-pâi

Seng-khu chéng-chê hiòng-chêng kap i thâi

Chorus

Ti-tah, ti-tah, hō-thâu teh toā tân lah

Tuì-te̍k thâi su sì-soàⁿ teh cháu lah

Ti-tah, ti-tah, tio̍h chê-chhiùⁿ Hô-sat-ná

O-ló Chú Iâ-so͘ chān lán hó-táⁿ

2.Hiòng-chêng tio̍h hiòng-chêng hó-táⁿ ti̍t hiòng-chêng,

Siū Chú kéng-soán ióng-kám ê peng-teng,

Kim-ji̍t teh kan-khó͘, bêng-ji̍t teh tek-sèng,

Kám-siā Kiù-chú sù lán toā thài-pêng.

3.Khún-kiû Chú Iâ-so͘ chān lán hó-táⁿ chiàn,

Mê-ji̍t uī Chú phoe-miā bô hiâm siān,

Hō͘ sè-kài chèng-tō, kong-gī, kín hoat-hiān,

Boa̍t-ji̍t Chú beh sù lán thài-pêng iàn.

4.Lán chò Chú Iâ-so͘ chīn-tiong ê peng-teng,

Kap pháiⁿ kau-chiàn tio̍h siông-siông kéng-séng,

Khîn-khîn tha̍k Sèng-keng tō-lí chiū chiām bêng,

Khò Chú khah-iâⁿ ún-tàng ē tet-sèng.