Chheng-liân-hoē-koa

1931.07  tē 556 koàn  p.5

(Tēⁿ Khe-phoàn chò)

Doh = C 3/4  ēng ài-chêng kap khin-khoài

1.Tī Chú soaⁿ-piⁿ, goá sim hiahⁿ-chhíⁿ,

oán-jiân ná chēng-chuí-piⁿ;

Hoe-ba̍k bō͘-sēng, chhiⁿ-chhuì tn̂g nî,

Chiáu-chiah gîm si hoaⁿ-hí.

Ū Chú lâm-lú, chheng-liân iûⁿ siaⁿ,

Thiⁿ gîm tē hô, thoân-thé kiat chiâⁿ,

Pò-thoân : Lêng, Tì, Tek, Thé chiâu-pī,

uī Chú, uī goá kap lí.

2.Chheng-liân lâm-lú, siaⁿ-im chê gîm,

Hô-hâi soaⁿ koân hái chhim;

Kap Chú kiat-liân saⁿ-thiàⁿ bô chīn,

Lêng-hûn, tì-huī ji̍t sin .

Thian-kok tì-huī, oa̍h-miā pún-goân,

Pek-chhiat khún-kiû, Chú sù oân-choân,

Chhim chai sè-kài ò-biāu bô chīn,

uī Chú, uī lán Tó-bîn.

3.Tek-hēng tuì Chú sèng-kiat oân-chiâⁿ,

Sin-thè pêng-an ióng-kiāⁿ,

Hia̍p-le̍k tâng-sim, hián-chhut saⁿ-thiàⁿ,

Ná kú ná hó miâ-siaⁿ.

Goān lán tāi-ke, sim tâng it thé,

Jia̍t-sim khò Chu8, hian thiⁿ koāⁿ tē,

Lī-ek chèng-lâng, êng kui Siōng-tè,

Chheng-liân-hoē bān-bān sè.