Ka Tiong Thoân-tō-tuī
(Ông oá kì)
1933. 03, no. 576, pp. 14-15
Tē 1 tuī(Sai-lê, Iûⁿ Sū-ióng; Tán-la̍k, Tâu Kim-jiân; Hó͘-boé, Liân Tin-bo̍k).
Gō͘ goe̍h 16-18, tī Po͘-sim kap Sin-siā, thiaⁿ chiòng 290 miâ, ki-hoē pêng-siông.
La̍k goe̍h 20－22, tī Hó͘-boé 3 àm, ū 460 lâng lâi thiaⁿ.
Chhit goe̍h 13－15, tī Kó͘-kheⁿ 3 àm, ū 900 lâng thiaⁿ.
Peh goe̍h 17－19, tī Hó͘-boé 3 àm, ū 400 lâng thiaⁿ.
Káu goe̍h 13－15, tī Siā-kháu, Huī-lâi-chhù, Toa-pak-hn̂g. Hoan-á-chng, 4 pái soat-kàu, ū 343 lâng thiaⁿ.
Káu goe̍h 19－21, tī Tang-sì-chhù kap Sì-ô͘, ū 280 lâng thiaⁿ.
Cha̍p goe̍h 11－13, koh 17, 20, 24, Táu-la̍k ê Chheng-liân-hoē-oân 7 miâ tī Kó͘-kheⁿ, Toā-po͘-boé, Kong-chhù-á, Toā-lūn, Kiú-kiong-nâ, Siā-liû-pan 6 uī pò͘-tō, ū tit-tio̍h 1380 lâng thiaⁿ tō-lí.
Tē 2 tuī(Sin-hāng, Ông oá; Thô͘-khò͘, Ô͘ Chài-heng; Pak-káng Gô͘ Tek-goân).
Sì goe̍h 11, ēng ga̍k-tuī tī Lûn-á pò͘-tō, ū 200 lâng thiaⁿ.
Í-goā 4 goe̍h ji̍t kú, in-uī Ông oá phoà-pēⁿ; só͘-í bô kau-thong, nā-sī kok kàu-hoē ū ka-kī ê pò͘-tō.
Peh goe̍h 17, tī Lūn-boé pò͘-tō, ū 50 lâng thiaⁿ.
Káu goe̍h 11－13, tī Toā-thâm, Kó͘-bîn, Làm-káng, Lûn-á, ū 730 lâng thiaⁿ.
Káu goe̍h 14－16, tī Thô͘-khò͘ chhī-tiûⁿ 3 àm, 480 lâng thiaⁿ.
Cha̍p goe̍h 10－12, tī Sin-hāng pài-tn̂g 3 àm, ū 850 lâng thiaⁿ.
Cha̍p goe̍h 13－16, tī Pak-káng pài-tn̂g 4 àm, tit-tio̍h Lân Phok-sū ê lîm-tiûⁿ chò chú-káng, ū 670 lâng thiaⁿ.
Cha̍p-it goe̍h 8－10, tī Chhâ-nâ-kha 3 àm, ū 400 lâng.
Cha̍p-it goe̍h 29－12:1, tī Pak-káng pài-tn̂g chò Hoàn-teng, pò͘-tō, ū 600 lâng thiaⁿ.
Cha̍p jī goe̍h 6－8, ū tī Sin-hāng beh koh chò Hoàn-teng soà pò͘-tō, khó-sioh chin koâⁿ, soà bô ki-hoē thang chò, ǹg-bang āu pài chiah chò.
Tē 3 tuī (Ka-gī, Tēⁿ Khe-phoàn; Lí Thoân; Bîn-hiông Au Siū-kî).
La̍k goe̍h kan, Ka-gī chhī ê pò͘-tō, 4 hoê 870 lâng thiaⁿ.
Peh goe̍h kan, Ka-gī siàu-liân thoan8-tō-tuī, tī 3 uī thoân-tō, ū 410 lâng thiaⁿ.
Toā lâng thoân-tō-tuī ū 4 hoê thoân-tō, ū 410 lâng thiaⁿ.
Káu goe̍h kan, ū thoân-tō 32 hoē, ū 1850 lâng thiaⁿ.
Cha̍p goe̍h kan tī Toā-nâ, Kau-poè, 3 àm thoân hō͘ 1100 lâng thiaⁿ.
Tē 4 tuī (Phoh-chú, Niù Siù-tek; Chuí-siōng, N̂g Bú-tong; Koè-kau, Lîm Tiâu-khun).
Gō͘ goe̍h 18－20, tī Phoh-chú chhī-tiûⁿ 3 hoê pò͘-tō, 1013 lâng thiaⁿ, tit-tio̍h chi̍t hō͘ lâi lé-pài.
La̍k goe̍h 1－3, tī Chuí-siōng-ke-á 3 mê nn̄g ji̍t thoân tō lí 5 hoê, 592 lâng thiaⁿ, siū toā hoan-gêng.
Káu goe̍h 6－8, tī Chuí-siōng 7 hoê soat-kàu, hō͘ hō͘ 850 lâng thiaⁿ1.
Káu goe̍h 15, tī Phoh-chú ê Koè-kau kóng, 455 lâng thiaⁿ.
Káu goe̍h 20－22, tī Phoh-chú chhī-tiûⁿ kóng 5 hoê, 915 lâng thiaⁿ.
Cha̍p goe̍h 20－22, tī Koè-kau ê Chuí-ku-chhù thoân 3 hoê, hō͘ 589 lâng thiaⁿ. Hó sêng-chek.
Tē 5 tuī (Kiâm-chuí, Iûⁿ Chiau-gī; Gû-taⁿ-oan, Peng En̂g-siông; Tang-āu-liâu, Chhoà Kéng-hiân).
Gō͘ goe̍h 10－12, tī Gī-tek kap Gû-tiâu-té, pò͘-tō 4 hoê, hō͘ 1065 lâng thiaⁿ.
Chhit goe̍h 12－14, tī Tang āu-liâu ê Ē-thâm, kóng 4 hoê, hō͘ 650 lâng thiaⁿ.
Káu goe̍h 20－22, tī Gû-taⁿ-oan ê Tân Tek-á-kha, pò͘-tō 3 hoê, hō͘ 630 lâng thiaⁿ.
Cha̍p goe̍h 11－14, tī Kiâm-chuí kap Sin-káng-tang chò Hoàn-teng, pò͘-tō, 8 ê káng-su, thoân hō͘ 2077 lâng thiaⁿ, tit-tio̍h 6 lâng lâi lé-pài, sêng-chek hó͘.
Tē 6 tuī (Sin-iâⁿ, Lîm Kín-sīn; Pe̍h-hô, Si Khe-chhoan; Koan-á-niá, Chiā Bo̍k-kiong).
Sì goe̍h 29, tī Pe̍h-hô ê Tek-á-kha, ū Pe̍h-hô pún-hoē ê Sian-siⁿ kap hoē-iú khì pò͘-tō, ū 608 lâng thiaⁿ.
Gō͘ goe̍h 17, 18, tī Tek-á-mn̂g ū nn̄g àm, 280 lâng thiaⁿ.
La̍k goe̍h 20－22, tī Sin-iâⁿ 3 àm, ū 456 lâng thiaⁿ.
Cha̍p-it goe̍h 8, 9, tī Pe̍h-hô kóng chi̍t àm, ū 70 lâng thiaⁿ.
Só͘ kì tī-chia ê, m̄-sī ū chiâu-pī. In-uī ū-ê bô-pò, goá m̄-chai, chiū bē thang siá tī-chia. Nā bô kì-tio̍h ê, chhiáⁿ liōng-kái. Nā ū bô pò ê, put-lūn kau-thong ê pò͘-tō, á-sī pún kàu-hoē ê pò͘-tō, chhiáⁿ lín lóng pò goá chai, goá thang khioh chò hoé, tī Tiong-hoē ê sî goá tio̍h thóng-kè pò-kò.
