御歌下賜
1933.11 (584卷) P.3
皇太后御歌
つれーの
友ごなりても
明くさめよ
ゆくこご難き
我にかへりて
皇太后 宮大夫
子爵 入江為守謹書
皇太后陛下是不止憐憫，疼痛，常常關心佇遐的破病，抑是散赤艱苦的人。Ta̍uh-ta̍uh下賜錢銀仔抑是物件予遐的艱苦人，這是咱大家所知的。
這pang皇太后陛下有做這首歌，是對心底同情，也是咧苦勸遐的癩病的人。皇太后宮大夫，主爵入江為守(皇太后宮大夫子爵入江為守)緊寫這首歌，來褙佇真好看的牌匾，下賜佇全日本國中的癩病療養所，抑是治療所。
佇咱台灣受著這个光榮的醫院有4間，就是台北馬偕醫院，彰化基督教醫院，台南基督教新樓醫院，以及台灣總督府樂生院。
佇10月2號，台南新樓醫院長李約翰醫生有去台南州廳對金村知事閣下拜領這个牌匾。院長李約翰隨時設法掛這个牌匾佇外來的記念，也紲通予一般的人拜觀。 |
