首頁
Languages 台文｜中文｜日本語｜English 字體 小 ｜ 中 ｜ 大
首頁 / 白話字數位典藏 / 責任思想
責任思想
卷期：第586卷 本次： 日期：1934/1 刊名：台灣教會公報 頁數：17-18
篇名：責任思想 [ Chek-jīm Su-siúⁿ ]
作者：楊世註 Iûⁿ Sè-chù
  顯示 : 漢羅 全羅 並列  

責任思想

(編輯部員：楊世註)

(紲接10月16面)

1934.1，no.586，pp.17-18

III. 對人。對親到疏，對近到遠：-

  (1) 著傳主的福音予in，予in回心轉意，就是重頭生。

  看報的男女同胞！請想咱所聽著，所teh傳--的，是甚物道理？儒，道，釋的道理，引起傷濟，真拍損時間。M̄-kú若干旦講拜上帝的事真濟;敢毋是變做回回教佮猶太教。回回教，猶太教甚物路用？雖然：-(a)共人毋通拜午上。 (b)著拜上帝。 (c)著有倫理。 (d)著比捌人較有智識。注意！回回教是基督教的對敵：十字軍的交戰，就是in。猶太教閣較是基督的對敵！可傷啊：害死基督，正是in。

  咱的同胞欲回心轉意á-m̄？有的用約翰的說教法講， 「毒蛇的類啊，chī-chuī-á指示恁閃邊將來的受氣啊？所以恁著結彼號合佇反悔的果子。」有的用耶穌的宣傳法講， 「恁著反悔，因為天國近啦。」

  第一要緊是主的福音，就是伊的人生，受害，閣活，聖神降臨。或是用譬喻，講歷史，引聖經，來證明基督的福音，的確會予人受感動，信耶穌，來回心轉意，得著重頭生，予信神徛起佇心內。所講的確會，毋是攏總會。減采有的聽了反轉怨妒，受氣，有的聽了那硬心；m̄-kú咱應該著按呢傳 (行 4：18-22)。

  (2) 著赦免橫逆的人，著疼痛，莫得怨恨，總是家己著giâm-hat，捌人著寬恕。保羅講， 「我拍家己到忝忝，予伊降服，驚了我已經傳予捌人，本身減采拄著拒絕」(I林9：27)。

  對捌人的寬恕，親像耶穌講， 「父啊，赦免in，因為in所做--的， in毋知」 (路 23：34)。

  婦人人算是家己的一爿。所以有人teh拍算4項著嚴： (a)毋通罵耶穌。 (b)毋通行佇眾人所公認的歹。 (c)莫得佮無智識的人計較。 (d)莫得責備人，親像責備家己，著赦免人。

  以外夫，妻，無的確像款，大家自由。朋友亦是按呢，就是除這4項以外，大家自由。其餘我無愛食薰，行棋，釣魚，無愛勉強捌人毋通。可比家己無愛掛金器，無愛譬相捌人。因為予大家家己比較，若看人做著，就相看樣。若袂，就大家有記認，亦毋免假做；反轉大家較自然。主的信者佮伊的奴僕，袂得攏總相同。 (若是另外所有組織的團體生活，自然著照大家所甘願，約束了的責任，一律去行)。

  IV. 對教會。 (1)禮拜堂通比並公會堂，青年會館，天主堂，菜堂的好空氣，清氣相。毋免捻花，草，這个媠，不過有莊重，樸素就好。佇歸仁北前兄弟姊妹，佮禮拜著敬虔。 (3)會議著順序。 (4)著有社會事業。會友設--的，教會設--的，攏好，總是愛分明，毋通化青年會是會友設--的。往過的青年勉勵會是長執會設--的。彰化的王梨會社是會友設--的，欲予兄弟通去遐做工。現時猶有兄弟佇遐teh做工， Eng-hong先生teh設法。無論做甚物代誌，永有人愛嫌，有的是怨妒，有的是痛心。總是有夫的人家己知，就無嫌甚物。若是捌人較毋知，就約略批評。在彰化的兄弟較無10个人份，大家社會事業，毋是bóng-chhòng，毋是濫摻做。彰化醫館，是教師會設--的，真大功效。福音書局，是20外个朋友kàu的冊，賣真濟去。幼稚園，是長執會設--的。 (5)會規，對下面直直疊地基，敁到厝頂才對厝頂算--落來，來統治一切。總是有的袂通像一間。若是會通像一个牆圍，也是好。

  按呢對無責任的算起，就是無治(無治)，就是予人治(受治)，就是顧家己(孤治)，就是獨立教會(自治)，就是聯合一个中會(聯治)，就是換予本地人治理(換治)，就是無論宗族，無別邦國(統治)。

(未完)。
數位典藏國家型科技計劃
拓展台灣數位典藏計畫
版權所有 國立台灣師範大學 台灣文化及語言文學研究所©2008
10610 台北市和平東路一段162號│TEL 02-7734-5516│Fax 02-2358-2461