Ngá-kok bāng-kìⁿ Thiⁿ-sài

(Chiong Ông-iû choè)

TIMES, C, D, PARKER

1934. 2, no. 587, pp. 22

1. Ngá-kok tī Lō͘-su só͘-chāi,

  Bāng-kìⁿ chèng thiⁿ-sài;

  Ū thiⁿ-thui thàu kàu thiⁿ-téng,

  Thiⁿ-sài pâi lióng-pêng.

  Tī Siōng-tè bīn-chêng chiūⁿ-lo̍h,

  Gîm sī tit o-ló;

  Chheng-chàn Siōng-tè toā jîn-ài,

  Siaⁿ-im ke̍k hô-hâi.

       Thiⁿ-sài chhiùⁿ A-le-lu-iá,

       Thian-peng lóng ìn siaⁿ;

       Siōng-tè kàng-lîm tī-chia,

       Tio̍h kiong-kèng bián-kiaⁿ.

2. Siōng-tè ū èng-ún Ngá-kok,

  Beh kàng-lo̍h toā hok;

  ēng Ka-lâm toā siúⁿ-sù i,

  Hō͘ hō͘-è khiā-khí.

  Kiáⁿ-sun siⁿ-thoàⁿ kàu sì-hng,

  Siū koán-kò͘ chiâu-chn̂g;

  Bān-bîn tuì lí tit hok-khì,

  Siông khoài-lo̍k hoaⁿ-hí.

3. Ngá-kok khoàⁿ-kìⁿ che īⁿ-tiāu,

  ēng chio̍h khiā choè thiāu;

  Chiū thîn-iû tī hit téng-bīn,

  Kì-liām Chú lîn-bín.

  uī Siōng-tè hián-hiān tī i,

  Hō miâ Pek-te̍k-lī;

  Hē-goān kóng hoān-nā só͘ tit,

  Beh hiàn cha̍p-hūn-chi̍t.

4. Siōng-tè ê si-un bô soah,

  án-ni khoán-thāi goá;

  Chhiu-chhiūⁿ Ngá-kok só͘ bîn-bāng,

  Chiok-hok sìn ê lâng.

  Ta̍k khoán kéng-gū ê lāi-bīn,

  Chú kap goá choè-tīn;

  Siōng-tè si̍t-ē bô guî-hiám,

  Eńg-oán tio̍h siàu-liām.