Lūn Sam ê soat
(Chiap 590 koàn 26 bīn)
1934. 6, no. 591, pp. 26-27
Tiong-kok chū kó͘-chá ū sam-ông ê kà-sī, kap sam-tāi ê heng-sēng, hiān-kim ê lâng iā o-ló bô soah. Khóng-chú ū sam-kong, choè jîn-lûn ê pún-goân, koh ū Ngô͘ ji̍t sam-séng, choè siu-sin ê kim-lu̍t, iā ū sàm-su jî-hiō hêng ê kài-kui, ū siú saⁿ-nî bô kái ê chè-tō͘, bián-lē ê oē.
Tāi-ú saⁿ pái keng-kè i ê mn̂g, chiū bô ji̍p-khì, sī uī kok bông-sin , āu-lâi ê lâng chheng i choè sèng-kun.
Bēng-chú ê lāu-bú uī-tio̍h ài kàu-hùn i ê kiáⁿ chiâⁿ-choè iú-bêng, chiū-saⁿ-pái chhian-soá i-ê chhù-the̍h, lâng chheng i choè hiân-bó.
Lâu, Koan, Tiuⁿ, sam-kiat-gī tī thô-oân, Koan ê kong-hun iā ū sam-tiâu goân-ló. Bûn-ha̍k-phài iā ū liân-tiòng sam-goân. Tiâu thian-chú tek-khak ū sam-ho͘ bān-soè, pài sèng-hiân tek-khak sam-kuī káu-khàu-thâu.
Í-siōng só͘ kóng, lóng ū kì-chài tī le̍k-sú-siōng. iā ū sèng-hiân só͘ kóng, Kun-chú iú sam uì, uì thian-bēng, uì tāi-jîn, uì sèng-jîn chi giân; iā ū kóng sam-jîn tông-hêng, pit iú ngó͘-su ê giân-sû. Taⁿ kàu chia chiū hó.
