贊成基督教
(偕叡廉)
1934.7，no.592，pp.24-25
佇加拿大國，有一省號做Kuì-phek-省。這省的人，較濟是法國人的後裔，所以濟濟是屬佇天主教。有一位天主教的新教(基督教)。現時teh做聖公會的牧師。
博士為著離開天主教，有拄著濟濟款的試煉；予人pō͘-jio̍k，予人拍，予人誣賴，予人關監，伊也是盡力傳報主的真理。天主教的信徒，每禮拜去聽伊的演講。受著感化的人，知in以前的毋著，大家決心來入佇咱基督教。有時伊的拜堂坐到滇滇，也外面講百人teh徛，袂得入。遮的人較濟是天主教的信徒。若是到佇賴博士的面前，詳細聽伊的說教明白基督救世的道理，較濟無閣再倒轉到天主教的拜堂。
有一禮拜伊接納300人來入佇伊的教會。現時有800人(舊時屬佇天主教) teh準備欲受洗禮入佇基督教。總共佇6月日久，有1200人離開舊教(天主教)來做基督徒。 |
