Sin Tâi-oân-oē ê Tîn-lia̍t-koán
1934.07 592 koàn p.8
(Lîm Bō͘-seng)
Bú-tâi (舞臺)：Hì-pêⁿ ê sin-oē; khah koân ê tâi teh hō͘ lâng chò-hì, á-sī ián-gē ê só͘-chāi. Tuì Kok-gú ê butai lâi, chiū-sī Eng-gú ê stage. Hok-ha̍p[sic.] bêng-sû: bú-tâi chong-sì (butai-sochi, stage arrangement); bú-tâi chiàu-bêng (butai-shomei, stage-lighting); bú-tâi kam-tok (butaikantoku, stage director); bú-tâi hāu-kó (butai-koka, stage-effect); goā-kau bú-tâi (gaiko-butai, the stage of the world's diplomacy). Bîn-kok iā ū ēng.
Hun-koân (分權)：Bô hō͘ koân-pèng chū-chi̍p tī chi̍t ê lâng, á-sī chi̍t ê ki-koan, hun-soàⁿ khì hō͘ kuí-nā lâng, á-sī kuí-nā ê só͘-chāi. Tuì Kok-gú ê bunken = Eng-gú ê decentralization. Bîn-kok iā ū ēng. Bûn-lē: Chit-ê sī tē-hong hun-koân, á-sī tiong-iong chi̍p-koân? ( = Kore wa chiho-bunken ka, cho͘-shuken ka? = Is this decentralization or centralization?).
Hun-gia̍p (分業)：Hun-piat kang-hu, ta̍k lâng chiàu i-ê khah chhut-tioh--ê khì chò, ha̍p chò-hoé lâi chiâⁿ seng-sán ê sū-gia̍p (khah sio̍k tī keng-chè-chiūⁿ ê oē). Tuì Kok-gú ê bungyo lâi = Eng-gú ê division of labo͘r. Bîn-kok iā ū ēng. Bûn-lē: Lán tāi-ke tio̍h hun-gia̍p lâi chò ( = Ware ware wa bungyo shite yari masho = Let us divide the work among us).
Pēⁿ-īⁿ (病院)：Só͘-chāi á-sī chhù, teh siu-liû pēⁿ-lâng, kā i khoàⁿ chèng-thâu soà kā i i-tī; chū-lâi kiò-chò i-seng-koán, á-sī kiò-chò i-īⁿ, (byoin, hospital) Bîn-kok iā ū ēng.
Pō͘-hūn (部份)：Tuì choân-thé lâi kóng hit tiong-kan ê chi̍t-hūn ê ì-sù. Tuì Kok-gú ê bubun lâi; kap Eng-gú ê a part siong-tong. Bîn-kok ū teh ēng. Bûn lē: Chit-ê put-kò sī choân-thé ê chi̍t-pō͘-hūn nā-tiāⁿ ( = Kore wa zentai no ichi bubun ni sugi nai = This is only a part of the whole).
Tê-oē-hoē (茶話會)：Chò-tīn chia̍h tê kóng-oē ê hoē ( chawakai, social tea-party). Bîn-kok iā ū ēng.
Tē-hā-sek (地下室)：Chhù ê ē-bīn-chàn khí ji̍p tī tē-ē, pí ke-lō͘ khah kē. Tuì Kok-gú ê chikashitsu (basement, under-gro͘nd room). Bîn-kok iā ū ēng.
Tiâu-cha (調查)：Káng-kiû chhâ-khó si̍t-chāi ê chêng-hêng. Tuì Kok-gú ê chosa lâi (investigation). Hok-ha̍p bêng-sû: tiâu-cha uí-oân (cho-sa-iin, investigation commttiee[sic.]); tiâu-cha-hoē (chosa-kai, a board of committee); tiâu-cha sū-hāng (chosa-jiko, matters for investigation). Bûn-lē: Chit-chân sū hiān-chāi tiâu-cha tiong (Kono koto wa genzai chosa chu desu. The matter is now under investigation). Bîn-kok iā ū ēng.
Tiàu-sû (弔詞)：ēng bûn lâi tha̍k, á-sī ēng oē lâi kóng, piáu-bêng māi-song ê ì-sù. Tuì Kok-gú ê choji lâi (a massage of condolence). Bîn-kok chhin-chhiūⁿ bô teh ēng.
Tèng-chèng: Téng-hō Bûn-pâng-kū hit hāng ê loē-tiong ū chi̍t-kù Eng-gú kiò-chò stationary sī stationery ê chhò-gō͘.
Hoê-hok: Ū lâng teh mn̄g khoàⁿ Eng-gú ê romance, Tâi-oân ê sin-oē beh kiò-chò sím-mi̍h? Hiān-sî chit kù oē tī Tâi-oân khiok iáu-boē sím-mi̍h thong-hêng. Chóng-sī tī Bîn-kok í-keng ū e̍k chò lōng-bān; che sī tuì bûn-ha̍k-chiūⁿ ê ì-sù lâi kóng--ê. Chhin-chhiūⁿ kóng, lōng-bān chú-gī, chiū-sī tuì romanticism lâi, á-sī lōng-bān-tek, chiū-sī tuì romantic lâi. Nā-sī chit kù romance iû-goân lēng-goā ū kî-khá ê siáu-soat, á-sī ài-chêng ê kò͘-sū ê ì-sù; che ē thang e̍k chò pī-sú siáu-soat, thoân-kî siáu-soat, á-sī lōng-bān-tek ê kò͘-sū; chiàu chi̍t-sî-chūn, chi̍t-sî-chūn teh ēng ê ì-sù, lâi e̍k.
