Tī Sú-kì ū kì-chài kóng, Bí Seng bat kap chi̍t ê lú-chú iok-sok, tī hit àm beh kiô-kha saⁿ-chhoē. Bô phah-sǹg, hit àm ū lo̍h toā hō͘; hit ê lú-chú soà bô lâi, chóng-sī i tiàm tī kiô-kha ti̍t-ti̍t tán, lóng m̄-káⁿ cháu. Koh tiap-á-kú chuí ti̍t-ti̍t tiòng-koân, khí-thâu im-tio̍h kha, āu-lâi kàu kha-thâu-u, kàu ē-io, iā kàu heng-kham; uī-tio̍h m̄-káⁿ sit-iok, tì-kàu lám-tiâu tī kiô-thiāu hō͘ chuí chìm-sí; tuì án-ni thang chai, i thiàⁿ hit ê lú-chú kàu cháiⁿ-iūⁿ?
Sèng-chheh ū piáu-bêng Chú Iâ-so͘ sī sìn-tô͘ ê sin-kiáⁿ-sài, I ū iok-sok beh kiù lán, tī Si̍p-jī-kè kah beh kap lán saⁿ-chhoē, lán lóng sit-iok, Chú uī-tio̍h lán ê choē lâi sí tī Si̍p-jī-kè téng, thiàⁿ kiám iáu ū pí chit ê khah-toā--ê mah?
